نه‌جمه‌دین كه‌ریم توشی جه‌ڵته‌ی مێشك بووه و خرایه نه‌خۆشخانه
د.نه‌جمه‌دین
وێستگه نیوزـ
نوسینگه‌ی د.نه‌جمه‌دین، ئەندامی پێشوی مەكتەبی سیاسی یەكێتی و پارێزگاری پێشوی كەركوك ئاشكرایكرد كه ناوبراو تووشی جەڵتەی مێشک بووه و ئێستا له نه‌خۆشخانه‌یه.
نوسینگه‌ی د.نه‌جمه‌دین له راگه‌یه‌ندراوێكدا ئاشكرایكرد كه ناوبراو "وەك هەر هاوڵاتی و مرۆڤێكی ئاسایی، تووشی جەڵتەی مێشک هات و بەهۆیەوە له‌نەخۆشخانەیه و له‌ئێستادا لەژێر چاودێری تیمی پزیشکیدایە
دەقی راگەیه‌ندراوەکەی نوسینگه‌ی د.نه‌جمه‌دین:
هاونیشتمانیانی ئازیز....
بەداخەوە چەند ڕۆژێک بەر لە یٔێستا، بەڕێز دکتۆر نەجمەدین کەریم، وەك هەر هاوڵاتی و مڕۆڤێكی ئاسایی، تووشی جەڵتەی مێشک هات و بەهۆیەوە کەوتە نەخۆشخانە.
وە لە ئێستادا لەژێر چاودێری تیمی پزیشکیدایە، لێرەوە سوپاسی هەموو ھاونیشتمانان لەکوردستان کەرکوک و ناوچە دابراوەکان دەکەین کە بەپەرۆشن بۆ تەندروستی دکتۆر نەجمەدین وە سوپاسی ھەموو ئەو کەسایەتی و سەرکردایەتی لایەنەسیاسیەکان دەکەین لە ھەرێمی کوردستان و کوردستانی باکور و رۆژھەلات و رۆژئاوا کە بەردەوام لە پەیوەندیدان و لە تەندروستی بەڕێز دکتۆر (نەجمەدین کەریم)ـ دەپرسنەوە.
هاوکات سوپاسی بەشێک لە دەزگاکانی ڕاگەیاندن دەکەین، کە پیشەییانە مەمەڵەیان لەگەڵ هەواڵی تێکچوونی تەندروستی (دکتۆر نەجمەدین) کردووە و لێرەوەش رایدەگەیەنین، کە تەنها نووسینگەی بەڕێزییان رێگەپێردراوە بە بڵاوکردنەوەی زانیاری لەسەر دۆخی تەندروستی دکتۆر نەجمەدین کەریم .
لە کۆتاییدا داواکاریین لە خودای مەزن شیفای بەڕێز دکتۆر نەجمەدین کەریم و هەموو مڕۆڤێکی نەخۆشکەوتوو لە کوردستان جیهان بدات.
نووسینگەی
دکتۆر نەجمەدین کەریم
2020/10/28
PM:07:44:28/10/2020
ئه‌م بابه‌ته 3300
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت