دەستەی وەبەرهێنان: کارکردن لە ناوچەى پیشەسازى تیمار لە هەولێر دەستپێدەکات
بڕیارە ناوچەی پیشەسازی و پیشەسازی خۆراک لەهەر چوار پارێزگاکەی هەرێم دروستبکرێن
وێستگەنیوز-
سەرۆکى دەستەى وەبەرهێنانى هەرێمى کوردستان راگەیاند، ناوچەى پیشەسازى "تیمار " لەشارى هەولێر دروست دەکرێت، ئەو ناوچە پیشەسازییە لەسەر رووبەرى دوو هەزار و 500 مەتر زەوى دەبێت و 52 کۆمپانیایى وەبەرهێنان و چەندین کارگە لە خۆدەگرێت.
محەمەد شوکری، سەرۆکى دەستەى وەبەرهێنانى هەرێمى کوردستان لە راگەیەنراوێکدا رایگەیاند، ناوچەى پیشەسازى "تیمار " لەشارى هەولێر لەسەر رووبەرى دوو هەزار و 500 مەتر زەوى دروستدەکرێت و 52 کۆمپانیایى وەبەرهێنان و چەندین کارگە لە خۆدەگرێت، سەرۆکى حکومەتیش رەزامەندیى دەربڕیوە خزمەتگوزارى بۆ ئەم ناوچەیە دابین بکرێت.
ئاماژەی بەوەشکردوە، کۆبوونەوەیەکمان لەگەڵ وەزارەتى بازرگانى و پیشەسازى و شارەوانى و پارێزگارکردووە.بۆیە چاوەرێ دەکرێت هەفتەى داهاتوو دەست بەکارەکانى ئەم ناوچەیە بکرێت.
دروستکردنی ناوچەی پیشەسازی و پیشەسازی خۆراک لەو هەنگاوانەن کە حکومەتی هەرێم لەکارنامەکەیدا بەڵێنی جێبەجێکردنیانی داوە، بەجۆرێک لەهەر چوار پارێزگاکەی هەرێم و بەشێک لە قەزاکان کە دەوڵەمەندن بە بەرهەمی کشتوکاڵی چەندین کارگە و ناوچەی پیشەسازی خۆراک دروستدەکات.
AM:08:24:25/10/2020
ئهم بابهته 1660
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت