وه‌زیری ته‌ندروستیی ئه‌ڵمانیا توشی كۆرۆنا بوو

‌وه‌زیری ته‌ندروستی ئه‌ڵمانیا

وێستگە نیوز-

ئاژانسی هه‌واڵی رۆیته‌رز، توشبونی وه‌زیری ته‌ندروستیی ئه‌ڵمانیانی به‌ ڤایرۆسی كۆرۆنا بڵاوكرده‌وه‌.

یه‌نس شبان، وه‌زیری ته‌ندروستی ئه‌ڵمانیا ته‌مه‌نی 40 ساڵه‌ و ئه‌نجامی پشكنینه‌كان كه‌ بۆ ڤایرۆسی كۆرۆنا بۆی كراوه‌، پۆزه‌تیڤ بووه‌، كه‌سانی ده‌وروبه‌ریشی ئاگادار كراونه‌ته‌وه‌ كه‌ وه‌زیره‌كه‌ توشی كۆرۆنا بووه‌ و ده‌بێت ئه‌وانیش پشكنین بكه‌ن.

ئه‌وه‌ش له‌كاتێكدایه‌ كه‌ په‌یمانگای رۆبه‌رت كوخ-ی ئه‌ڵمانیا ئه‌مڕۆ چوارشه‌ممه‌ رایگه‌یاند كه‌ ژماره‌ی توشبون به‌ ڤایرۆسه‌كه‌ زیادی كردوه‌ و ئه‌مڕۆ زیاترله‌ حه‌وت هه‌زار توشبوی نوێ تۆمار كراوه‌ و تێكڕاش گه‌یشتوه‌ته‌ 380 هه‌زار و 762 كه‌س.

هه‌ر ئه‌مڕۆ 39 كه‌س له‌ ئه‌ڵمانیا به‌ كۆرۆنا گیانیان له‌ده‌ستداوه‌ و كۆی گشتیی قوربانیانی ئه‌و ڤایرۆسه‌ بۆ نۆ هه‌زار و 875 كه‌س زیادی كردوه‌.


PM:06:36:21/10/2020


ئه‌م بابه‌ته 1924 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت