سەنتەری میترۆ و رێکخراوی CDO: حکومەت زانیاری ناداتە رۆژنامەنوسان

‌لۆگۆی سەنتەری میترۆ بۆ داکۆکی لە مافی رۆژنامەنوسان و رێکخراوی گەشەپێدانی مەدەنیەت CDO

وێستگەنیوز-

سەنتەری میترۆ بۆ داکۆکی لە مافی رۆژنامەنوسان و رێکخراوی گەشەپێدانی مەدەنیەت CDO رایدەگەیەنن، لەهەرێمی کوردستان سەرەڕای ئەوەی بەیاسا مافی رۆژنامەنوسان لە بەدەستهێنانی زانیاری رێکخراوە، بەڵام ئه‌وه‌ی تێبینی كراوه‌ زانیارییەكان لەدامەزراوەكانی حكومەتەوە بۆ هاوڵاتیان و میدیاكاران، ئاستەنگی زۆری لەبەردەمدایە به‌ ئه‌ندازه‌یه‌ك ئه‌و پرسیاره‌ ده‌خاته‌ به‌رده‌م حكومه‌ت كه‌ "ئایا چۆن شه‌ڕ له‌گه‌ڵ گه‌نده‌ڵی ده‌كات‌و گه‌نده‌ڵكاران قۆڵبه‌ست ده‌كات ؟! ".

سەنتەری میترۆ بۆ داکۆکی لە مافی رۆژنامەنوسان و رێکخراوی گەشەپێدانی مەدەنیەت CDO ئەمڕۆ دوشەممە لە مەراسیمێکدا لە سلێمانی یادی رۆژی جیهانی دەستەبەربوونی مافی زانیاریان کردەوە و لە راگەیەنراوێکی هاوبەشدا ئاماژەیان بەوەکرد، " هەر حكومەتێك زانیاری و بەڵگەنامە و ئاماری رەسمی نەكاتە خزمەتی هاوڵاتیان و میدیا و رێكخراوه‌كانی كۆمه‌ڵی مه‌ده‌نی و پسپۆران، ئه‌وا پرۆسه‌ی به‌گژدانچونه‌وه‌ی گه‌نده‌ڵی قورس ‌و ئاڵۆز ده‌كات، چونكه‌ بەهۆی شاردنەوەی زانیاری لەهاوڵاتیان و میداكاران، نەتوانراوە بەشداری چالاكانە بكرێت لەئاشكراكردنی دۆسییە زۆرو زەوەندەكانی گەندەڵی".

ئاماژە بەوەش دەکەن، " نەبوونی زانیاری رێگە خۆشدەكات بۆ گەندەڵی و چەواشەكاری و بڵاوبوونەوەی پەتای هەواڵی درۆو بوختان و ناوزڕاندن ‌و حكومەتی هەرێمی كوردستان بۆ ئەوەی هاوبەش بێت لەروبەرووبونەوەی چەواشەكاری‌و هەواڵی ساختە دەبێت كاری جدی بكات بۆ جێبەجێكردنی یاسای دەستكەوتنی زانیاری كه‌ دڵنیای ئه‌وه‌ ده‌ده‌ین پێدانی زانیاری چەكی بەهێزو تاقیكراوەیە دژ بە دیاردەی بەدناوی میلیشیای ئەلیكترۆنی و گوتاری رق و كینە و فەیكنیوز".

دەقی راگەیەنراوی هاوبەشی سەنتەری میترۆ و رێکخراوی CDO:

‎ئامادەبووانی ئازیز ...

‎هه‌موو رۆژه‌ جیهانییه‌كان بایه‌خی تایبه‌تی خۆیان هه‌یه‌، هه‌روه‌ك رۆِژی جیهانی گه‌یشتن به‌زانیاری له‌ژیانی ئه‌مرۆماندا نه‌ك له‌ناوچه‌یه‌كی دیاریكراو، به‌ڵكو له‌ته‌واوی جیهان بایه‌خی گه‌وره‌ی هه‌یه‌، هه‌ر ئه‌مه‌شه‌ وایكردووه‌ هەموو ساڵێك لە 28ی ئەیلول ئه‌و چالاكییانه‌ی په‌یوه‌ست به‌م رۆژه‌ سازده‌كرێت‌و ئه‌و ده‌ستكه‌وتانه‌ی به‌ئامانجی هۆشیاركردنه‌وه‌ی هاولاتیان بۆ بایه‌خ‌و گرنگی گه‌شتین به‌زانیاری به‌رهه‌مهاتووه‌ ئێستا ببنه‌ جێی شانازی ولاتانی جیهان.

‎مافی زانیاری لەبەندی 19ی جاڕنامەی گەردوونی مافی مرۆڤ، لە ماددەی 19ی پەیماننامەی نێودەوڵەتی بۆ مافە مەدەنی و سیاسییەكان دیاریكراوه‌ هاوكات ماددەی 10 لە رێكەوتننامەی نەتەوەیەكگرتووەكان بۆ بەرەنگاربوونەوەی گەندەڵی ئاماژەی پێكراوه‌.

‎هه‌رێمی كورستانیش له‌چوارچێوه‌ی ئه‌و یاساو رێنماییانه‌ی په‌یوه‌ست به‌و بابه‌ته‌ ده‌ریكردووه‌، لە مادەی (25) لە یاسای ژمارە(11)ی ساڵی 2013 یاسای مافی دەستكەوتنی زانیاری لەهەرێمی كوردستان، تێیدا ئاماژە بۆ ئەوەكراوە پێویستە لەسەر ئەنجومەنی وەزیران بەهەمئاهەنگی لەگەڵ دەستەی سەربەخۆی مافەكان مرۆڤ رێنمایی پێویست بۆ ئاسان جێبەجێكردنی حوكمەكانی ئەم یاسایە دەربكات، به‌ڵام ئه‌وه‌ی تێبینی كراوه‌ زانیارییەكان لەدامەزراوەكانی حكومەتەوە بۆ هاوڵاتیان و میدیاكاران، ئاستەنگی زۆری لەبەردەمدایە به‌ ئه‌ندازه‌یه‌یك ئه‌و پرسیاره‌ ده‌خاته‌ به‌رهده‌م حكومه‌ت كه‌ ئایا چۆن شه‌ڕ له‌گه‌ڵ گه‌نده‌ڵی ده‌كات‌و گه‌نده‌ڵكاران قۆڵبه‌ست ده‌كات ؟!

‎ بێگومان هەر حكومەتێك زانیاری و بەڵگەنامە و ئاماری رەسمی نەكاتە خزمەتی هاوڵاتیان و میدیا و رێكخراوه‌كانی كۆمه‌ڵی مه‌ده‌نی و پسپۆران، ئه‌وا پرۆسه‌ی به‌گژدانچونه‌وه‌ی گه‌نده‌ڵی قورس ‌و ئاڵۆز ده‌كات، چونكه‌ بەهۆی شاردنەوەی زانیاری لەهاوڵاتیان و میداكاران، نەتوانراوە بەشداری چالاكانە بكرێت لەئاشكراكردنی دۆسییە زۆرو زەوەندەكانی گەندەڵی.

‎ئه‌گه‌رچی پێشكه‌وتنی هۆیه‌كانی ته‌كنه‌لۆژیای زانیاری كه‌شێكی خوڵقاندوه‌ چیتر هاوڵاتی دیلی زانیاریی رەسمی نەبێت، به‌ڵام له‌غیابی نه‌بونی زانیاری فه‌رمی و به‌ڵگه‌دار، دیارده‌یه‌كی مه‌ترسیدار له‌هه‌رێمی كوردستان دروست بووه‌ ، ئه‌ویش بلاوكردنه‌وه‌ی زانیاری بێسه‌رچاوه‌و نافه‌رمی و گه‌مه‌پێكراوه‌، هاوكات هاولاتی له‌وه‌رگره‌وه‌ كردوو به‌ دروستكه‌ری روداو سه‌رچاوه‌ی زانیاری تا ئه‌و ئه‌ندازه‌یه‌ی رای كه‌سی زۆركات وه‌ك سه‌رچاوه‌ی زانیاری وه‌رگیراوه‌.. كه‌ ئه‌مانه‌ خزمه‌ت به‌ رۆژنامه‌نوسان و هاولاتیانی‌و شاره‌زایان ناكه‌نوه‌ك زانیاری دروست، تا بتوانن مامه‌ڵه‌ی له‌گه‌ڵدا بكه‌ن و بڕیاری له‌سه‌ر بونیاد بنێن.

‎هۆیه‌كان‌و ده‌رفه‌ته‌كانی بڕیارو پێداچونه‌وه‌ زۆرن.. هه‌روه‌ك ئەمڕۆ هەموو جیهان پێكەوە رووبەرووی فایرۆسی كۆرۆنا بۆته‌وه‌، دەرفەتێكی باشە بۆ بیرهێنانەوەی حكومەتی هەرێمی كوردستان لەجێبەجێكردنی یاسای مافی دەستكەوتنی زانیاری،هاوكات گۆرینی ئەو مۆدیلەی واتەماشای بەڵگەنامەی رەسمی و ئامارو زانیارییەكان دەكات وەك ئەوەی نهێنی حكومەتنبن و دەبێت هاوڵاتیان و میدیاكاران دەستییان رانەگاتە ئەو زانیاریانە!

‎ئامادەبووانی به‌رێز..

زانین مه‌رجێكی گرنگه‌ بۆ حكومداری، پەیوەندی نێوان مافی زانین و دێمۆكراسییەت لە یەكدی جیانكرێنەوە، دەستگەیشتن بەزانیاری و بڵاوكردنەوەی بە شێوەیەكی ئازاد، سیستمی دیمۆكراسی بەهێز دەكات، هه‌روه‌ك بە پێچەوانەشەوە نەبوونی زانیاری رێگە خۆشدەكات بۆ گەندەڵی و چەواشەكاری و بڵاوبوونەوەی پەتای هەواڵی درۆو بوختان و ناوزڕاندن ‌و حكومەتی هەرێمی كوردستان بۆ ئەوەی هاوبەش بێت لەروبەرووبونەوەی چەواشەكاری‌و هەواڵی ساختە دەبێت كاری جدی بكات بۆ جێبەجێكردنی یاسای دەستكەوتنی زانیاری كه‌ دڵنیای ئه‌وه‌ ده‌ده‌ین پێدانی زانیاری چەكی بەهێزو تاقیكراوەیە دژ بە دیاردەی بەدناوی میلیشیای ئەلیكترۆنی و گوتاری رق و كینە و فەیكنیوز.

‎ هه‌ربۆیه‌ لێره‌وه‌ به‌ ده‌نگی بڵنده‌وه‌ سه‌نته‌ری میترۆ و CDOرێكخراوی داوا دەكەن كۆسپەكانی بەردەم كاری رۆژنامەنوس لەگەیشتن بەسەرچاوەی زانیاری لاببرێت، هەموو زانیارییە حكومییەكان لەچوارچێوەی نهێنیدا پۆلێن نەكرێت، بەڵكو بە پشتبەستن بە بڕگەكانی یاسای مافی بەدەستهێنانی زانیاری كارئاسانی بۆ رۆژنامەنوسان بكرێت، ئەمە بە گرەنتی جێبەجێكردنی بەرنامەی كابینەی 9ی دەزانین تا بەشداری هاوڵاتیان و میدیا لە پرۆسەی روبەرووبونەوەی گەندەڵی كارا بێت، چونكه‌ فراوانكردنی بەشداری هاوڵاتیان‌و میدیاو رێكخراوەكانی كۆمەڵی مەدەنی بۆ بەهێزكردنی پرەنسیپی شەفافیەت‌و لێپرسینەوە بە زانیاری دەبێت... به‌ڵێ به‌زانیاری ده‌بێت... بەبێ ئەم چەكە هاوڵاتی و میدیا شەڕەكە دەدۆڕێنن‌و پشتیوانی میللی ئەم پرۆسەیە له‌وه‌ی هه‌یه‌ لاوازتر دەبێت.

‎هەر بژین

PM:08:55:28/09/2020