لە رۆژئاوای كوردستان چوار كەس بە كۆرۆنا گیانیان لە دەستدا
وێستگەنیوز-
دەستەی تەندروستی لە بەرێوەبەرایەتی خۆسەر لە باكوور و خۆرھەڵاتی سوریا رایدەگەیەنێت، لە ماوەی ٢٤ كاتژمێری رابردوو چوار كەس بەڤایرۆسی كۆرۆنا گیانیان لە دەستداوە و ١٦ حاڵەتی نوێش تۆماركراون.
د. جوان مستەفا، ھاوسەرۆكی دەستەی تەندروستی لە باكوور و خۆرھەڵاتی سوریا رایگەیاند، لەو چوار حاڵەتی مردنە، دوو تووشبووی كۆرۆنا لە حەسەكە و یەكێك لە دێرك و یەكێكیش لە كۆبانی بە كۆرۆنا گیانیان لە دەستداوە".
ناوبراو ئاماژەی بەوەكردووە، حەوت حاڵەتی نوێش لە حەسەكە و چوار لە قامیشلۆ و حاڵەتێكیش لە شەھبا، چواریش لە دێرك تۆماركراون و ١١ نەخۆشیش چاكبوونەتەوە.
هەر بەپێی ئامارەكان ژمارەی تووشبووانی كۆرۆنا لە باكوور و خۆرھەڵاتی سوریا گەیشتووەتە هەزار و 359 حاڵەت و ٥٩ كەسیش گیانیان لە دەستداوە و ٣٩٠ نەخۆشیش چاكبوونەتەوە.
PM:01:04:25/09/2020
ئهم بابهته 1652
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت