سێ ساڵ بەسەر ساڵیادی ریفراندۆم تێدەپەڕێت
وێستگە نیوز-
ئەمڕۆ 25ی ئەیلولی 2020، سێ ساڵ بەسەر ئەنجامدانی ریفراندۆمی هەرێمی كوردستان تێدەپەڕێت كە تێیدا 93%ی دەنگدەرانی هەرێم دەنگیاندا بۆ جیابوونەوە لەعێراق.
دوای ئەوەی مانگی حوزەیرانی 2017 ئەنجومەنی باڵای ریفراندۆم بڕیاریدا رۆژی 25ی ئەیلول ریفراندۆم ئەنجام بدرێت، سەرلەبەیانی رۆژی 25ی ئەیلول، بەشیًَكی زۆری هاوڵاتیانی هەرێم روویانكردە سندوقەكانی دەنگدان بۆ دەربڕینی بۆچوونی خۆیان كە ئایا دەیانەوێت لەگەڵ دەوڵەتی عێراق بمێننەوە، یان بەپێچەوانەوە دەیانەوێت هەرێمی كوردستان بەشێوەی سەربەخۆ بژی، لەئەنجامدا 93%ی دەنگدەران داوای جیابونەوەیان لەعێراق.
دوای دروستكردنی ئەنجومەنی باڵای ریفراندۆمیش كە مەسعود بارزانی، سەرۆكی پارتی دیموكراتی كوردستان سەرۆكایەتی دەكرد، لەبەرامبەریشدا ئەو كاتە شاسوار عەبدولواحید، لەگەڵ چەند كەسایەتییەكی دیكەی سیاسی و رۆشنبیری بەرەی (نەخێر لەئێستادا)یان راگەیاند و داوایان دەكرد لەو كاتەدا ریفراندۆم نەكرێت، چونكە دۆخی ناوچەكە لەبار نییە و وڵاتان پشتگیری كوردستان ناكەن بۆ جیابوونەوە.
چەند رۆژێك دوای ئەنجامی دەنگدان، هەریەك لەوڵاتانی توركیا و ئێران بۆ ماوەی چەند مانگێك فڕۆكەخانەكانیان بەڕووی كوردستاندا داخست و وڵاتانی دیكەش تا ئاستێك لەپشتگیریكردنی هەرێمی كوردستان كشانەوە و داوایان دەكرد هەرێمی كوردستان لەگەڵ عێراق لەچوارچێوەی دەستوردا بمێننەوە، دوای دوو ساڵیش لەئەنجامدانی ریفراندۆم و دروستكردنی كابینەی نۆیەمی حكومەتی هەرێم بەسەرۆكایەتی مەسرور بارزانی، بڕیاریاندا بۆ چارەسەری كێشەی هەرێم و بەغدا لەگەڵ حكومەتی عێراق دەست بەگفتوگۆ بكەنەوە.
AM:08:47:25/09/2020
ئه‌م بابه‌ته 2808
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت