تەرمێکی نەناسراو لە ناوچه‌یه‌كی پارێزگای دهۆك دۆزرایەوە
وێستگەنیوز- رەڤەند گوھەرزی
ئێوارەی ئەمڕۆ ھەینی 14ی ئاب، تەرمێکی نەناسرا و لە روباری خابیر لە قەزای زاخۆ-ی سەر بە پارێزگای دھۆک دۆزرایەوە كه خەڵکی شاری موسڵە.
موقەدم بێوار عەبدولعەزیز، بەرپرسی راگەیاندنی بەرێوەبەرایەتی گشتی بەرگریشارستانی لە پارێزگای دھۆک بە وێستگە نیوز-ی رایگەیاند:" کاتژمێر 7ی ئێوارەی ئەمڕۆ تیمەکانیان لە قەزای زاخۆ ئاگادار کرانه‌وه لە دۆزینەوەی تەرمێک لە روباری خابیر-ی نزیک پردی دەلال.
وتیشی:" دوای گەیشتنی تیمەکانمان بۆ شوێنی رووداوەکە بەھاوکاری ھاوڵاتیان توانیانن تەرمی پیاوێکی نەناسراو لە روباری خابیر ده‌ربهێننه‌وه".
وتیشی:" ئەو گەنجە بەناوی (ع، ک، ع) تەمەنی 17 ساڵ بووە و خه‌ڵكی شاری موسڵه، ماوەی چوار رۆژ بێسەروشوێن بووە، ئەمڕۆ تەرمەکەی لە روباری خابیردا دۆزراوەتەوە".
ئاماژەی بەوەشکرد:" دوای دەرھێنانه‌وه‌ی، ته‌رمه نه‌ناسراوه‌كه رەوانەی پزیشکی دادی کراوە".
PM:08:03:14/08/2020
ئه‌م بابه‌ته 1940
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت