لاندكرۆزەرێك خۆی بەماتۆڕسكیلێك دەدات و شۆفێرەكەی دەكوژێت
وێستگە نیوز-
بەڕێوەبەرایەتی هاتووچۆی هەولێر رایگەیاند، لەسەر رێگای سەرەكی شەقلاوە – قەندیل شۆفێرێك، شۆفێری ماتۆڕسكیلێكی كردووە و گیانی لەدەستداوە، شۆفێرەكەی دیكەش هەڵهاتووە.
فازیل حاجی وتەبێژی بەڕێوەبەرایەتی هاتوچۆی هەولێر رایگەیاندووە، كاتژمێر 1ی شەوی رابردوو لەسەر رێگای سەرەكی شەقلاوە- قەندیل لەنزیك باسرمە ئۆتۆمبێلێكی نەناسراو كە بەپێی زانیارییە سەرەتاییەكان لاندكرۆزێك بووە خۆی كێشاوە بەماتۆڕسكیلێك كە لەسەر رێگایەكە ڕۆیشتووە و هەر لەشوێنی روداوەكە شوفێری ماتۆڕسكیلەكە گیانی لەدەستداوە.
ناوبراو ئاماژەی بەوەكردووە، شوفێری لاندكرۆزەكەش لەجیاتی ئەوەی دەستی یارمەتی بۆ قوربانیەكە درێژ بكات و بیگەیەنێتە نەخۆشخانە، بەڵكو بتوانێت رزگاری بكات، جێیهێشتووە و بەو هۆیەشەوە شۆفێری ماتۆڕسكیلێكە گیانی لەدەستداوە، لێكۆڵینەوە بەردەوامە لەلایەن پۆلیسەوە بۆ دۆزینەوەی بكەرەكە.
PM:01:45:14/08/2020
ئهم بابهته 1812
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت