سەیدسادق.. بەشێکی دارستانی (سەراوی سبحان أغا) گڕدەگرێت
وێستگەنیوز-
قایمقامیەتی قەزای سەیدسادق رایگەیاند، ئەمڕۆ ئاگر لە بەشێكی دارستانی (سەراوی سبحان أغا) کەوتوەتەوە و زۆرێک لە دار، دەرخت و بەشێک لە لەوەرگا و پوش و پاوانی ناوچەکە سوتاوە، بەهەوڵی تیمەکانیش ئاگرە کۆنتڕۆڵکراوە.
قایمقامیەتی قەزای سەیدسادق لە راگەیەنراوێکدا رایگەیاند، بەسەرپەرشتی (دیاری رەفیق) قایمقامی قەزای سەیدسادق و بەهاوکاری تیمەکانی بنکەی ئاگرکوژێنەوەی سەیدسادق- مەولەوی، هێزەکانی چالاکی مەدەنی، ئاسایش، پۆلیس و هاوڵاتان توانرا ئاگرەکەی ئەمڕۆی قەزای سەیدسادق کۆنترۆڵ بکرێت و بکوژێنرێتەوە.
ئەوەش هاتوە، بەداخەوە ئاگرەکە لە بەشێکی (غاباتی سەراوی سبحان أغا) کەوتوەتەوە و ئەوەش بوەتە هۆکاری سوتانی زۆرێک لە دار و دەرخت و بەشیک لە لەوەرگا و پوش و پاوانی ناوچەکە.
PM:06:22:07/08/2020
ئهم بابهته 2524
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت