هێرش كرایه سه‌ر سوپای عیراق و كوژراو و برینداری لێكه‌وته‌وه
ئەو سەربازەی شەوی رابردوو لە هێرشەکەی داعشدا کوژرا
وێستگه نیوز ـ
دره‌نگانی شه‌وی رابردوو لە رۆژئاوایی خانەقین، چه‌كدارانی داعش به هاوه‌ن هێرشیان كرده سه‌ر سوپای عیراق و سه‌ربازێك كوژرا.
سه‌رچاوه‌كانی هه‌واڵ بڵاویانكرده‌وه: دره‌نگانی شه‌وی رابردوو چه‌كدارانی داعش بە هاوەن هێرشیانکردە سەر بارەگای فەوجی یەکی لیوای مغاویری سوپای عیراق لە گوندی شێرک لە رۆژئاوای قەزای خانەقین.
ئاماژه‌شیان به‌وه‌دا كه به‌هۆی هێرشه‌كه‌وه سه‌ربازێك کوژراوه و چواری دیكه‌ش لە سوپای عیراق بریندار بوون، بەڵام زیانی هێرشبەرەکان نەزانراوە.
لەگەڵ ئاڵۆزبونی دۆخی سیاسی عیراق، دۆخی ئەمنی بەتایبەتی لە ناوچە کێشە لەسەرەکان رووی لە خراپبوون کردووە و چەندین جارە لە چەندین ناوچەی جیاجیا ناو بەناو هێرشدەکرێتە سەر سوپای عیراق و هێزەکانی پێشمەرگە.
AM:08:46:07/08/2020
ئه‌م بابه‌ته 3228
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت