وەزارەتی گواستنەوە و گەیاندنی حكومەتی هەرێم رایگەیاندووە، لە كۆبوونەوەی ئەمڕۆیدا لیژنەی باڵای تەندروستی و سەلامەتی نیشتیمانی عێراق، سەبارەت بە گۆڕانكاری لە ڕێوشوێنەكانی خۆپارێزی لە كۆرۆنا چەند بڕیارێكی داوە، یەكێك لەو بڕیارانە لە ڕۆژی ۲۳ی ئەم مانگەوە فڕۆكەخانەكانی عێراق و هەرێم دەكرێنەوەو گەشتەكانی ئاسمانیی دەست پێدەكەنەوە.
وەزارەتی گواستنەوە و گەیاندن ئاماژەی بەوەكردووە، كردنەوەی فڕۆكەخانەكانی عێراق و هەرێمی كوردستان، بەپێی مەرج و ڕێنماییەكانی خۆپارێزی تەندروستی دەبێت، لەپێناوی سەلامەتی هاووڵاتیان و گەشتیاران.
هەروەها دەڵێت، دەسەڵاتی فڕۆكەوانی مەدەنی عێراق لەسەر راسپاردەی لیژنەی ناوبراو و لەچوارچێوەی خۆپارێزی لە پەتای ڤایرۆسی كۆرۆنا covid19 گەشتە ئاسمانییەكانی ناوخۆیی و دەرەكی راگرتووەو تەنها رێگا بە گەشتی فڕۆكەكانی كارگۆو و رێكخراوە فریاگوزاریەكان و تیمەكانی تەندروستی دەدرێت.
بەهۆی بڵاوبوونەوەی ڤایرۆسی كۆرۆناوە لەمانگی ئازاری ئەمساڵەوە سەرجەم گەشتە ئاسمانییەكان بۆ عێراق و كوردستان راگیران.
PM:05:46:16/07/2020