لێدوانی فڕۆكەخانەی سلێمانی سەبارەت بەدەستپێكردنەوەی گەشتە ئاسمانییەكان
وێستگە نیوز- پشتیوان جەمال
فڕۆكەخانەی نێودەوڵەتی سلێمانی رایگەیاند، دەستپێكردنەوەی گەشتە ئاسمانییەكان لەدەسەڵاتی فڕۆكەوانی عێراقییە.
ئەندازیار تاهیر عەبدوڵا، بەڕێوەبەری فڕۆكەخانەی نێودەوڵەتی سلێمانی بەوێستگە نیوزی راگەیاند، بۆ دەستپێكردنەوەی گەشتە ئاسمانییەكان دەبێت دەسەڵاتی فڕۆكەوانی عێراقی بڕیار بدات.
ئەمڕۆ لیژنەی باڵای رووبەڕووبونەوەی ڤایرۆسی كۆرۆنا لەعێراق كۆبووەوە و بڕیاریدا لەڕۆژی 23ی تەموزەوە فڕۆكەخانەكان بكرێنەوە، هەروەها دوای جەژنی قوربانیش قەدەغەی هاتووچۆی تەواو هەڵبگیرێت.
هەر ئەمڕۆش وەزارەتی تەندروستی عێراق رایگەیاند، تائێستا كۆی گشتی تووشبووانی كۆرۆنا گەیشتە 86 هەزار و 148 كەس، لەو ژمارەیەش 54 هەزار و 316 كەس چاكبوونەتەوە و سێ هەزار و 522 كەسیش گیانیان لەدەستداوە.
PM:04:48:16/07/2020
ئه‌م بابه‌ته 2644
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت