دژەتیرۆری عێراق: هەماهەنگی تەواومان لەگەڵ دژەتیرۆری هەرێمی کوردستان هەیە
وێنەی هێزەکانی دژەتیرۆری عێراق و دژەتیرۆری سلێمانی
وێستگەنیوز-
دەزگای دژەتیرۆری عێراق رایگەیاند، لە چوارچێوەی ئۆپەراسیۆنی چوارەمی هێزە عێراقییەکان لە پارێزگای دیالە ژمارەیەک پێگەی داعش لەناوبراون و ئۆپەراسیۆنەکە بۆ کێوماڵکردنی تەواوی سنورەکە بەردەوامی هەیە، بۆ ئەوە مەبەستەش هەماهەنگی تەواویان لەگەڵ هەرێمی کوردستان و بەتایبەتی دژەتیرۆری سلێمانیدا هەیە.
دەزگای دژەتیرۆری عێراق لە پەرەی فەرمی خۆی لە تویتەر ژمارەیەک وێنەی کاتی ئۆپەراسیۆنی چوارەمی هێزە عێراقییەکان لە پارێزگای دیالە لە دژی چەکدارانی داعش بڵاوکردوەتەوە و رایگەیاند، ئۆپەراسیۆنەکانی گەڕان بەدوای چەکدارانی داعش و پێگەکانیان لەو ناوچانەی بۆشایی ئەمنییان هەیە بەردەوامە و بە پێویستی دەزانن سەرجەم هێزە ئەمنییەکان هەوڵەکانیان بۆ کۆتاییهێنان بەو رێکخراوە توندڕەوە یەکبخەن.
ئاماژەی بەوەشکردوە، هێزە ئەمنییەکانی عێراق هەماهەنگی تەواو و بەرزیان لەگەڵ هێزە ئەمنییەکانی هەرێمی کوردستاندا هەیە و دەزگای دژەتیرۆری عێراق و هێزەکانی دژەتیرۆری سلێمانی لەو ئۆپەراسیۆنەدا بەشدارییەکی کارایان هەیە.
ماوەی چەند رۆژێکە ئۆپەراسیۆنێکی فراوان لە سنوری پارێزگای دیالە بۆ کەمکرنەوەی مەترسییەکانی چەکدارانی داعش کە زەوی کشتوکالی هاوڵاتیان و رێگری و کوشتنی خەڵکی گوندەکانی دیالە لە ماوەی رابردود بەشێوەیەکی مەترسیدا زیادیکردبوو، هێزەکانی عێراق و هەرێم بە هاوبەشی ئۆپەراسیۆنی سەربازی فراوانی بەڕێوەدەبن.
AM:10:00:14/07/2020
ئه‌م بابه‌ته 2744
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت