ژنێك له‌ كاتی شووشتنی به‌رده‌رگا به‌ ته‌زووی كاره‌با گیانی له‌ ده‌ستدا

‌ناحیەی دێرەلوک.. فۆتۆ: ئەرشیڤ

وێستگه‌ نیوز ـ

له‌ناحیه‌ی دێره‌لوكی سه‌ر به‌ قه‌زای ئامێدی ژنێك له‌كاتی شووشتنی به‌رده‌رگای ماڵه‌كه‌یان ته‌زووی كاره‌با لێی داو گیانی له‌ ده‌ستدا.


په‌یامنێری وێستگه‌ نیوز له‌ قه‌زای ئامێدی رایگه‌یاند: دوانیوه‌ڕۆی ئه‌مڕۆ پێنجشه‌ممه‌ 9ی ته‌مموزی 2020، ژنێك له‌ كاتی شووشتنی به‌رده‌رگای ماڵه‌كه‌یان له‌ ناحیه‌ی دێره‌لوك، ستوونی كاره‌بای به‌رده‌م ماڵه‌كه‌یان كاره‌بای چووه‌ته‌سه‌ر و ئه‌و ژنه‌ش ده‌ستی به‌ری كه‌وتووه‌.

وتیشی: "له‌ ئه‌نجامدا ژنه‌كه‌ ته‌زووی كاره‌با لێی داوه‌ و له‌ شوێنی رووداوه‌كه‌ گیانی له‌ ده‌ستداوه‌".

په‌یامنێری وێستگه‌ نیوز، روونیشیكرده‌وه‌: ئێستا ته‌رمی ئه‌و ژنه‌ گوازراوه‌ته‌وه‌ بۆ پزیشكی نۆژداری له‌ نه‌خۆشخانه‌ی ئامێدی.

 


PM:02:08:09/07/2020


ئه‌م بابه‌ته 3320 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت