سێ کوڕو باوکێک درانە بەر ده‌ستڕێژی گوللە


وێستگه‌ نیوز ـ

له‌ گوندێكی سه‌ر به‌ ناحییه‌ی جه‌ولا، باوكێك و سێ كوڕ درانه‌ به‌ر ده‌ستڕێژی گوللـه‌و سێ كوڕه‌كه‌ و باوكه‌كه‌ش گیانیان له‌ ده‌ستدا.


به‌پێی زانیارییه‌كانی وێستگه‌ نیوز، لە گوندی ئیسڵاح كه‌ ده‌كه‌وێته‌ نێوان ناحیه‌ی جه‌له‌ولاو ناحیه‌ی كوڵه‌جۆ، سێ کوڕ و باوکێک كه‌له‌ سه‌ر زه‌ویه‌ كشتوكاڵییه‌كانیان بوون بۆ ئاودێری و كاری كشتوكاڵی، له‌ لایه‌ن ژماره‌یه‌ك چه‌كداری نه‌ناسراوه‌وه‌ درانە بەر ده‌ستڕێژی گوللـه‌.

هه‌ر به‌پێی زانیارییه‌كان كه‌له‌ زاری سه‌رچاوه‌یه‌كی ئاگاداره‌وه‌ ده‌ست وێستگه‌ نیوز كه‌وتوون، سێ کورەکە گیانیانیان لەدەستداوه‌ و باوکەکەش باری ته‌ندروستی نا جێگیر بوو، به‌ڵام كه‌مێك پێش ئێستا ئه‌ویش گیانی له‌ ده‌ستدا.

گوندی ئیسڵاح، ده‌كه‌وێته‌ نێوان ناحیه‌ی جه‌له‌ولاو ناحیه‌ی كوڵه‌جۆوه‌ و له‌ رووی ئیدارییه‌وه‌ سه‌ر به‌ جه‌له‌ولایه‌، كوڕ و باوكه‌كانیش له‌ پێكهاته‌ی عه‌ره‌ب بوون.

هــ. ر


PM:12:55:04/06/2020


ئه‌م بابه‌ته 25424 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو