فرسەت سۆفی، پارێزگاری هەولێر لە كۆنگرەیەكی رۆژنامەوانیدا رایگەیاند، بۆ بەرژەوەندیی هاونیشتمانییان بە جێبەجێكردنی رێنماییە تەندروستییەكان لە سبەی كاتژمێر 6ی ئێوارەوە بازاڕ و شوێنە گشتییەكان دەكرێنەوە و قەدەخەی هاتووچۆ هەڵدەگیرێت.
ناوبراو روونیكردەوە، كار و كاسبی و تەندروستی خەڵكیان بەلاوە گرنگە بۆیە بڕیاری كردنەوەی بازاڕ و دوكان و شوێنە گشتییەكان داوە ئەویش بە پابەندبوونی تەواوی رێنماییەكانی خۆپارێزی لە كۆرۆنا.
هەروەها وتی "بە هەمان شێوەی بازاڕ و شوێنە گشتییەكان لە كاتژمێر شەشی سبەیەوە نۆرینگە و نەخۆشخانەكانیش دەكرێنەوە و دەبێت پابەندبوونی تەواو بە رێنماییە تەندروستییەكان هەبێت".
شەوی یەكشەممەی رابردوو بەهۆی زۆربوونی حاڵەتەكانی كۆرۆناوە، وەزارەتی ناوخۆ بڕیاری قەدەغەی هاتووچۆی بۆ ماوەی شەش رۆژ راگەیاند و بڕیارەكەش لە كاتژمێر 6ی ئێوارەی دوێنێوە دەستی پێكرد، بەڵام لەشەوی رابردووەوە خۆپیشاندانی كاسبكاران لەقەزاكانی سنوری سلێمانی و ئەمڕۆش خۆپیشاندانی بەشێك لەدوكانداران لەنزیك قایمقامیەتی سلێمانی بۆ شكاندنی كەرەنتینە بەڕێوەچوو، بۆیە لەكۆبوونەوەی ئەمڕۆی وەزیرانی ناوخۆ و تەندروستی لەگەڵ پارێزگارەكان، بڕیاردرا قەدەغەی هاتووچۆ هەڵبگیرێت.
PM:07:16:02/06/2020
ئهم بابهته 2020
جار خوێنراوهتهوه