سەرچاوەیەك: دۆخی كۆرۆنا لەپارێزگای سلێمانی بەرەو كارەساتی گەورە دەڕوات
وێستگە نیوز- پشتیوان جەمال
سەرچاوەیەك لەتەندروستی سلێمانی رایگەیاند، دۆخی ڤایرۆسی كۆرۆنا لەپارێزگای سلێمانی بەرەو كارەساتی گەورە هەنگاو دەنێت و هەفتەی داهاتوو نەخۆشخانەكان شوێنی نەخۆشیان تێدا نامێنێت.
سەرچاوەیەك لەتەندروستی سلێمانی بەوێستگە نیوزی راگەیاند، ئێستا 130 توشبووی كۆرۆنا لەنەخۆشخانەكانن، لەڕۆژانی داهاتووشدا تووشبوان لەپارێزگای سلێمانی بۆ دوو هێندە بەرز دەبنەوە و بەوەش تا كۆتایی هەفتە نەخۆشخانەكان توانای وەرگرتنی نەخۆشیان نامێنێت.
ئەو سەرچاوەیە ئاماژەی بەوەكرد، تائێستاش ئەگەر هاوڵاتیان مەترسی ڤایرۆسەكەیان بەجددی وەرنەگرتووە، داواكارن لێیان لەئەمشەوەوە مەترسییەكە بەجددی وەربگرن و پابەندی رێنماییەكان بن، چونكە ئێستاش دۆخەكە لەكۆنتڕۆڵ دەرنەچووە و دەتوانرێت بەسەریدا زاڵ بن.
ئەمشەو وەزارەتی تەندروستی حكومەتی هەرێم رایگەیاند، 23 تووشبووی نوێی كۆرۆنا لەپارێزگای سلێمانی تۆماركران و هەر ئەمڕۆش تووشبوویەك گیانی لەدەستدا.
PM:09:24:30/05/2020
ئه‌م بابه‌ته 6420
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت