وهزارهتی تهندروستیی ههرێمی كوردستان رایگهیاند كه چوار توشبوی نوێ به ڤایرۆسی كۆرۆنا له پارێزگای دهۆك تۆمار كراون.
بهپێی دهرئهنجامێكی نوێ، وهزارهتی تهندروستیی ههرێمی كوردستان رایگهیاند: لە بەردەوامی پشکنینەکان و گەڕان بەدوای گومانلێکراوان و توشبوان، چوار توشبوی دیکەی ڤایرۆسی کۆڕۆنای نوێ COVID-19 لە پارێزگای دھۆك دەستنیشانکران كه دوو پیاوی تەمەن 42 و 22 ساڵ و دوو ئافرەتی تەمەن 60 و 31 ساڵن.
ئاشكراشیكردوه كه یهكێك له توشبوهكان یەکەم پیشەی پاسەوانە و لە شاری بەغدا گەڕاوەتهوه و بەرکەوتوی توشبوی پێشووە و دانێشتووی قەزای سێمێلە، توشبوی دووەمیش شوفێری بارهەڵگرە و دانیشتوی باشیکه کە لە خالی پشکنین نمونەی پشکنینی تاقیگەی لێوەرگیراوە و پۆزەتیڤ دەرچووە.
سهبارهت به دوو ئافرەتە توشبووەکەش، وهزارهتی تهندروستی رایگهیاندوه كه ههردوكیان لە خانەوادەی توشبوەکەی دوێنێی پارێزگای دھۆکن و یەکیان دانیشتوی قەزای سێمێلە و ئەوەی دیکەشیان دانیشتوی ناو شاری دھۆکە.
بەپێی دوایین ئامارەکانی وهزارهتی تهندروستیی ههرێمی كوردستان، تائێستا 581 کەس لە هەرێم توشی ڤایرۆسی کۆرۆنا بوون و لەو ژمارەیەش 409 کەسیان چاکبونەتەوە.
PM:06:36:30/05/2020
ئهم بابهته 2080
جار خوێنراوهتهوه