سلێمانی.. 22 كه‌سی دیكه‌ توشی كۆرۆنا بوون


وێستگه‌ نیوزـ

وه‌زاره‌تی ته‌ندروستیی حكومه‌تی هه‌رێمی كوردستان ده‌رئه‌نجامێكی نوێی بۆ توشبوانی كۆرۆنا راگه‌یاند و ئاشكرایكرد كه‌ له‌ شاری سلێمانی 22 كه‌سی دیكه‌ توشی ڤایرۆسی كۆرۆنا بوون.

ئه‌مشه‌و وه‌زاره‌تی ته‌ندروستیی حكومه‌تی هه‌رێمی كوردستان له‌ راگه‌یه‌ندراوه‌كه‌یدا ئاماژه‌ی به‌وه‌داوه‌ كه‌ لە بەردەوامی پشکنینەکان و گەڕان بەدوای گومانلێکراوان، بیست و دوو تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکراون.

ئاشكراشیكردوه‌ كه‌ توشبوه‌كان بریتین له‌ 12 پیاو و 9  ئافرەت و یەک کوڕی گەنج، ده‌شڵێت 8  توشبوو بەرکەوتوی توشبوانی پێشون، 14 له‌و توشبوانه‌ نیشانەی نەخۆشیان ھەیە و 21 توشوو دانیشتوی ناو شاری سلێمانین و یه‌كێكیشیان دانیشتوی ناحیه‌ی وارماوەیە.

بەپێی دوایین ئامار، تائێستا لە هەرێمی كوردستان 566 کەس توشی ڤایرۆسی کۆرۆنا بوون، لەو ژمارەیەش 409 کەسیان چاکبونەتەوە و پێنج توشبوش گیانیانله‌ده‌ستداوه‌.


PM:11:06:28/05/2020


ئه‌م بابه‌ته 2624 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت