وەزارەتی ناوخۆ ئاگادارییەكی بڵاوكردەوە
وێستگە نیوز-
وەزارەتی ناوخۆی حكومەتی هەرێمی كوردستان رایگەیاند، سیستەمی رێگەپێدانی ئەلكترۆنی كەوتۆتەكار و دەتوانرێت بەكاربهێنرێت.
وەزارەتی ناوخۆ لە پەیجی فەرمی خۆی لە تۆڕی كۆمەڵایەتی فەیسبووك ئاگادارییەكی بڵاوكردەوە و رایگەیاندووە، ئاگاداری هاوڵاتییان دەكەنەوە ئێستا سیستەمی ڕێگەپێدانی ئەلیكترۆنی كەوتەوە كار.
هەر لەئاگادارییەكەدا ئاماژە بەوەدراوە، داواكاری ڕێگەپێدان پێویستە لە حاڵەتی زۆر پێویست بێت، هەروەها پێویستە شوفێر و سەرنشینان دەمامك و پەنجەوانە بەكاربهێنن لە كاتی گەشتكردن بە پێچەوانەوە ڕێگایان پێ نادرێت، دەبێت زانیارییەكانی داواكراو بە دروستی پڕ بكرێنەوە و هەر جیاوازییەك هەبێت لە زانیارییەكان ڕێگەپێدانەكە بە هەڵوەشاوە ئەژمار دەكرێت، ئەم ڕێگەپێدانە ئاڵوگۆڕی هێزە ئەمنییەكان ناگرێتەوە كە بە ڕێنمایی و ڕێكاری تایبەت ئاڵوگۆریان پێدەكرێت، كاتژمێری كارابوونی رێگەپێدان لە گەیشتنی ئیمەیلی ڕەزامەندی دەست پێدەكات.
ئەمەش لینكی سیستەمی ڕێگەپێدانی ئەلیكترۆنی https://moi.gov.krd/tregapidan/
PM:04:39:27/05/2020
ئهم بابهته 10960
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت