ژماره‌یه‌ك سه‌ربازی ئه‌مریكا و شه‌ڕڤانی كورد له سوریا برینداربون
وێستگه نیوزـ
لە هێرشێکی چەکداریدا كه له سوریا كرایه سه‌ریا، سێ سەربازی ئەمریكا و پێنج شه‌ڕڤانی هێزه‌كانی سوریای دیموكرات بریندار بوون.
ئاژانسی سانای سوریا بڵاویكردوه كه هێرشه‌كه لەسەر رێگەی نێوان حەسەکە و دیرئه‌لزور لە سوریا كراوه‌ته‌سه‌ر هێزێكی هاوبه‌شی ئه‌مریكا و شه‌ڕڤانانی كوردی ناو هێزه‌كانی سوریای دیموكرات (هه‌سه‌ده).
ئاشكراشیكرد كه کاروانێکی سەربازیی ئەمریکا لەگەڵ هێزەکانی سوریای دیموکرات لە سنوری نێوان پارێزگاکانی حەسەکە و دیرئه‌لزور رووبەڕووی هێرشێکی چەکدارانی نەناسراو بوونەتەوەو لە ئەنجامدا سێ سەربازی ئەمریکا و پێنج شەڕڤانی هەسەدە بریندار بوون.
ئه‌وه‌شی راگه‌یاندوه هەر هەشت برینداره‌كه بۆ وەرگرتنی چارەسەر بنکەیەکی پزیشکیی ئەمریکا لە شارۆچکەی شەدادیی باشوری حەسەکە گواستراونه‌ته‌وه.
AM:10:05:27/05/2020
ئه‌م بابه‌ته 2724
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت