پارێزگای ههولێر له بارهی درێژكردنهوهی قهدهغهی هاتوچۆ روونكردنهوه دهدات
ههرێمی كوردستان له رۆژانی قهدهغهی هاتوچۆوه
وێستگه نیوز ـ
وتەبێژی ژووری ئۆپەراسیۆنی پارێزگای هەولێر ئەو دەنگۆیانە رەتدەکاتەوە، بەهۆی ههڵكشانی تووشبووانی ڤایرۆسی كۆرۆنا له ههرێمی كوردستاندا، قەدەغەی هاتووچۆ درێژ بکرێتەوە.
هێمن قادر، جێگری پارێزگاری هەولێر و وتەبێژی ژووری ئۆپەراسیۆنی پارێزگای هەولێر لەلێدوانێكی رۆژنامهوانیدا رایگهیاند: بەپێی رێنماییەکانی وەزارەتی ناوخۆی حکومەتی هەرێمی کوردستان، لەمڕۆوە عەلوەی سەوزە و میوەی هەولێر، نانەواخانە و سەمونخانەکان دەکرێنەوە، بۆ ئاسانکاری و دابینکردنی پێداویستی هاوڵاتیان، هەروەها کارئاسانیش بۆ جووتیاران دەکرێت بچنە سەر زەوییە کشتوکاڵییەکانیان.
لەبارەی کردنەوەی مارکێت و سوپەر مارکێتەکان و هەڵگرتنی قەدەغەی هاتوچۆش، وتەبێژی ژووری ئۆپەراسیۆنی پارێزگای هەولێر ئاماژهی بهوهكرد، سوپەرمارکێت و مارکێتەکان تا کۆتایی هاتنی ئەو 72 كاتژمێرەی وەزارەتی ناوخۆ بۆ قەدەغەی هاتوچۆ لە پارێزگاکانی هەرێمی کوردستان دایناوە ناکرێنەوە.
وتیشی: "دوای جەژن قەدەغەی هاتووچۆ هەڵدەگیرێت و دۆخەکە ئاسایی دەبێتەوە وەکو پێش قەدەغەی هاتوچۆی لێدێتەوە".
هــ. ر
PM:08:14:25/05/2020
ئهم بابهته 2108
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت