به‌هۆی وه‌رگه‌ڕانی ئۆتۆمبێلێك خێزانێك بوونه قوربانی
وێستگه نیوز ـ
پۆلیسی گه‌رمیان رایده‌گه‌یه‌نێت، به‌هۆی وه‌رگه‌ڕانی ئۆتۆمبێله‌وه له سه‌ر رێگای كه‌لار_ باوه‌نوور، نزیك گوندی تازدێ، شۆفێره‌كه‌ی گیانی له ده‌ستداوه و سێ كه‌سی تریش بریندار بوون.
پۆلیسی گه‌رمیان له راگه‌یه‌ندراوێكدا ده‌ڵێت: "نیوەڕۆی ئەمڕۆ دووشەمە لەسەر رێگای کەلار ـ باوەنوور نزیک گوندی تازدێ ئۆتۆمبێلێک لەجۆری بی ئێم وەرگەڕا".
ئه‌وه‌شی وتووه: "لەئەنجامدا شۆفێرەکەی بەناوی یلال نامیق محه‌مه‌د، لەدایکبووی 1997 دانیشتووی قەزای کەلار گیانی لەدەستداو هاوسەرەکەی و دوو منداڵ برینداربوون".
ئه‌وه‌شی زیاد كردووه، لە ئێستادا برینداره‌كان لە بەشی فریاکەوتنی شەهید هەژار چارەسەری پێویستیان بۆ دەکرێت.
هــ. ر
PM:02:11:25/05/2020
ئه‌م بابه‌ته 8092
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت