به‌وێنه.. پێكدادانی ئۆتۆمبیلێكی فریاكه‌وتن و ماتۆڕێكی سێ تایی، هه‌شت برینداری لێكه‌وته‌وه
وێستگه نیوزـ
لە ڕوداوێکی هاتوچۆدا لەسەر ڕێگەی سلێمانی – عەربەت كه له‌نێوان ئۆتۆمبیلێكی فریاكه‌وتن و ماتۆڕێكی سێ تایی روویداوه، هەشت کەس برینداربوون.
راگه‌یاندینی بەرێوەبەرایەتی هاتوچۆی سلێمانی ئاشكرایكرد كه روداوه‌كه لەسەر ڕێگەی سلێمانی - عەربەت لە نزیک گوندی خرابە لە نێوان ئۆتۆمبیلێكی فریاكه‌وتن و ماتۆڕێکی سێ تایی ڕویداوە.
باسی له‌وه‌شكردوه كه "شۆفێر و پێنج سەرنشینی ماتۆڕە سێ تاییه‌کە بریندار بوون كه خێزانێکی شەش کەسین و لە دایک باوکێک و چوار منداڵ پێكهاتوون و برینی دوان له منداڵه‌كانیش سه‌خته.
هه‌ر به‌هۆی روداوه‌كه‌وه دوو سەرنشینی ناو ئەمبولانسەکەش برینداربوون، کە نەخۆشێک و یاریدەدەری پزیشکێک بوون.
بەگوێرەی هێڵکاری تیمی هاتوچۆ دەرکەوتووە، بەهۆی پابەند نەبوون بە رێنماییەکانی هاتوچۆوە، شۆفێری ئەمبوڵانسەکە هۆکاری ڕوداوەکە بووە."
PM:11:49:21/05/2020
ئه‌م بابه‌ته 3156
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت