رێنماییهكانی ئیدارهی گهرمیان بۆ دوای قهدهغه 48 كاتژمێرییهكه
وێستگه نیوزـ
ژووری ئۆپراسیۆنەكانی گەرمیان، دوای كۆبونەوەیەك لەگەڵ تەواوی لایەنە بەرپرسیارەكان و ئەندام لەژوورەكە، چەند بڕیارێكی نوێیان بۆ بەڕەنگاری نەخۆشی كۆرۆنا راگەیاند.
پاش ئەوەی وەزارەتی ناوخۆ بهیانی ژماره 25 بڵاوکردەوە ژوری ئۆپەراسیۆنی ئیدارەی گەرمیان بەسەرپەرشتی سەرپەرشتیاری ئیدارەی گەرمیان و بەئامادەبوونی ئەندامانی کۆبوەوەو لهبەر بەرژەوەندی گشتی و لەو چوارچیوەی بریار و رینماییەکاندا ئەم بڕیارانەی دەركرد:
یەكەم: نانەواخانەو ماركێتەكان لە كاتژمێر 6ی بەیانی بۆ 4ی ئێوارە دەكرێنەوە ماركێتە گەورەكان ڕێگایان پێدەدرێت 2 ئوتومبیل بەكاربهێنن و ماركێتی بچوكیش 1 ئۆتۆمبیل.
دووەم:رێكخراوەكانی un و ئەو رێكخراوە خیرخوازییەكان لەلایەن یەكە ئیدارییەكانەوە رێگایان پێدەدرێت و دابەشكردنی هاوكاری مرۆیی لە كاتژمیر 12 ی نیوەڕۆ بۆ 5 ی ئێوارە دەبێت.
سێیەم:عەلوەكان 6ی بەیانی بۆ 5 ی ئێوارە
چوارەم: میوە فرۆشەكان 6 ی بەیانی دەرۆنە عەلوەو پێویستە پێش كاتژمێر 9 بگەرێنەوە بۆ گەرەكەكان.
پێنجەم:مریشك فرۆش و قەسابەكان لە 6 ی بەیانی بۆ 4 ی ئێوارە.
شەشەم:دوكانی موبایل:12 ی نیوەرۆ بۆ 4 ی ئێوارە.
حەوتەم:جوتیارن و خاوەن كیلگەو هەنگەوانان 6 ی بەیانی بۆ 5 ی ئیوارە.
هەشتەم:هاتوچۆی كارمەندانی تەندروستی و صیانەو ئاو پێویستە بەپێ ی خشتەی ئیشكگری بێت كەلەلایەن بەرێوەبەرایەتییەكانیانەوە دیاریدەكرێت.
نۆیەم:دەرمانخانەو نۆرینگەكان بەپێی خشتەی ئیشكگیری بەرەچاوكرنی شوێنی جوگرافی كاتی كرانەوەو داخستنیان دیاریدەكرێت.
دەیەم:ناوچەی پیشەسازی شوێنكاری نۆژەنكردنەوەی دەراسە 6 ی بەیانی بۆ 4 ی ئیوارە.
یانزەیەم:بەروبوومی ماست و شیرەمەنی 6ی بەیانی بۆ 10ی بەیانی.
دوانزەیەم:غازفرۆشەكان:6 ی بەیانی بۆ 4 ی ئێوارە.
سیانزەیەم:كۆگاكانی بان ئاسیاو:6 ی بەیانی بۆ 5 ی ئێوارە.
چوارەدەیەم:پرۆژەكانی وەبەرهێنان 6ی بەیانی بۆ 5 ی ئێوارە.
پانزەیەم:رێگا بەنەخۆش و پێداویستی فریاگوزاری هاوڵاتیان دەدرێت.
شانزەیەم:دەرمانی درێژخایەن و كوتان 9ی بەیانی بۆ 1ی نیوەرۆ.
حەڤدەیەم:بەهیچ جۆرێك رێگا بە ئوتومبێلی بچوك نادرێت لە ناوچەكانی ژێر دەسەڵاتی حكومەتی عیراقەوە بیتە ئیدارەی گەرمیان ئەو هاووڵاتیانەشی بەمەبەستی كاری بازرگانی یان بردنی شتومەك و پێداویستی خۆراك دێنە ناوچەكە تەنها بە ئوتومبێلی بارهەلگری گەورە رێگایان پێدەدرێت.
هەژدەیەم: لهمڕۆوه رێگە دەدرێت مریشكی زیندوو هەناردەی ناوچەكانی ژێر دەسەڵاتی حكومەتی عیراق بكرێت بەڵام رێگا بەهەناردەكردنی هێلكە نادرێت.
نۆزدەیەم: نوێنەری بازرگانەكان و موخەلیصەكانی مەرزی پەرویزخان سنورداردەكرێت و پێویستە
لەلایەن یەكە ئیدارەییەكانەوە بە پشتگیری دەروازەی پەرویزخان رێگایان پێدەدرێت.
بیست:بەنزینخانەی فەرمی بەپێی شوێنی جوگرافی لە ٦ی بەیانی بۆ ٥ ی ئیوارە رێگایان پێدە درێت.
AM:09:02:07/04/2020
ئهم بابهته 1892
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت