سلێمانی زه‌نگی ئاگادار كردنه‌وه‌ی لێدا

‌ماركێت و دوكانه‌كان له‌ سلێمانی داخران

وه‌ك له‌ بڕیاره‌كه‌ی هه‌ڤاڵ ئه‌بوبه‌كر، پارێزگاری سلێمانی و سه‌رۆكی لیژنه‌ی باڵای ئۆپراسیۆنه‌كانی بۆ به‌ره‌نگاربوونه‌وه‌ی ڤایرۆسی كۆرۆنا هاتووه‌: لە كاتژمێر 12ی نیوەڕۆی ئەمڕۆدا لە سنوری پارێزگای سلێمانیدا، بەهەماهەنگیی لەگەڵ بەڕێوەبەرایەتیی گشتیی ئەوقافی پارێزگای سلێمانی، لە مزگەوتەکانەوە پەیامی خۆپارێزیی و خڕاگریی و پابەندبوون بە ڕێنماییە تەندروستیی و کارگێڕیی و ئارامییەکان و، قەدەغەکردنی هەموو جوڵەیەک بە پێی بەیانی ژمارە 24ی ساڵی 2020ی وەزارەتی ناوخۆ دەستپێدەکات.

ئاماژه‌ی به‌وه‌شداوه‌: لە هەمان کاتدا لەلایەن بەڕێوەبەرایه‌تی بەرگریی شارستانیی سلێمانیەوە لە كاتژمێر 12ی نیوەڕۆی ئەمڕۆدا، زەنگی ئاگادارکردنەوە بۆ هەمان مەبەست لێدەدرێت.

هه‌ڤاڵ ئه‌بوبه‌كر داوای پابه‌ندی هاوڵاتیان ده‌كات و ده‌ڵێت: "پێوسیتە هەموو هاوڵاتیان و کۆی داموودەزگاکان پابەندی تەواوی بڕیارو رێنماییەکان بن".

شه‌وی رابردوو وه‌زاره‌تی ناوخۆی حكومه‌تی هه‌رێمی كوردستان چه‌ند بڕیارێكی نوێی له‌ باره‌ی قه‌ده‌غه‌ی هاتوچۆوه‌ ده‌ركرد، له‌وانه‌ قه‌ده‌غه‌ی هاتوچۆی ئۆتۆمبێل و پیاده‌ له‌ كاتژمێر 12ی نیوه‌ڕۆی ئه‌مڕۆوه‌ تا 12ی نیوه‌ڕۆی رۆژی دووشه‌ممه‌ 6ی نیسانی 2020.

هه‌ر له‌ بڕیاره‌كه‌دا هاتووه‌: سه‌رجه‌م ماركێت و نانه‌واخانه‌و سه‌مونخانه‌كان بۆ ماوه‌ی 48 كاتژمێر داده‌خرێن و نابێت بكرێنه‌وه‌.

هــ. ر