ئه‌نجومه‌نی نوێنه‌رانی ئه‌مریكا بودجه‌یه‌كی بۆ رووبه‌ڕووبوونه‌وه‌ی كۆرۆنا په‌سه‌ند كرد
ئەنجومەنی نوێنەرانی ئەمریکا.. فۆتۆ: گێتی
وێستگه نیوز ـ
ئەنجومەنی نوێنەرانی ئەمریکا پـرۆژە بڕیارێکی پەسەندکرد بۆ تەرخانکردنی 8 ملیار و 300 ملیۆن دۆلار بۆ رووبەڕووبوونەوەی نەخۆشی کۆرۆنا.
ئەنجومەنی نوێنەران بە دەنگی 415 ئەندام بەرامبەر دوو ئەندام پـرۆژە بڕیارەکەی پەسەندکردووە و ئەم بڕە پارەیەش زۆر زیاترە لەوەی ترەمپ کە داوای دوو ملیار و 500 ملیۆن دۆلار بوو.
بڕیاریشە سبەینێ ئەنجومەنی پیران تاوتوێی پـرۆژە بڕیارەکە بکات و پـێشبینی دەکرێت، لەوێش پەسەندبکرێت تا رەوانەی بەردەم سەرۆکی ئەمریکا بکرێت و ئەویش واژوی بکات و ببێتە بڕیار.
بەپـێی پـرۆژە بڕیارەکە، پارەکە بۆ یارمەتیدانی ویلایەتەکان و حکومەتی فیدراڵی لە هەوڵەکانیان بۆ قەڵاچۆکردنی ڤایرۆسی کۆرۆنا و بۆ دروستکردنی کوتان (ڤاکسین) و دابینکردنی بۆ ئەمریکیـیەکان، تەرخاندەکرێت.
ئەوەش لەکاتێکدایە، تا ئێستا بەهۆی ڤایرۆسی کۆرۆنای نوێوە 11 کەس لە ئەمریکا گیانیانلەدەستداوە زیاتر لە 140 کەس دیکەش تووشبوون.
هــ. ر
AM:08:49:05/03/2020
ئه‌م بابه‌ته 2496
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت