ته‌قینه‌وه‌یه‌ك به‌غدای پایتەختی هەژاند و کوژراو و برینداری لێکەوتەوە



وێستگە نیوز- 
ته‌قینه‌وه‌یه‌ك به‌غدای پایتەختی عیراقی هەژاند و کوژراو و برینداری لێکەوتەوە. 

سه‌رچاوه‌یه‌كی ئه‌منی له‌ به‌غدا  بە سۆمەریە نیوز-ی ڕاگەیاندووە،  ئێوارەی ئەمڕۆ له‌ ئه‌نجامی ته‌قینه‌وه‌ی بۆمبێكی چێندراو له‌ باشوری به‌غدا دو هاوڵاتی كوژران و سێ كه‌سی دیكه‌ش برینداربون.

بەپێی وتەی سەرچاوەکە، " تەقینەوەی بۆمبە چێنندراوەکە لە ناو بازاڕێکی میللی لە قەزای مەحمودیە لە باشوری بەغدا ڕوویداوە". 

سەرچاوەکە وتووشیەتی، " هێزە ئەمنیەکان گەیشتوونەتە شوێنی ڕووداوەکە و لێکۆڵینەوەیان دەستپێکردووە، بریدارەکان ڕەوانەی نخۆشخانە کراون، تەرمی کوژراوەکانیش ڕەوانەی پزیشکی دادوەری کراون". 


PM:07:43:27/02/2020


ئه‌م بابه‌ته 3140 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت