موقته‌دا سه‌در دوو داواكاریی جیاواز له بارزانی و شاسوار عه‌بدولواحید ده‌كات
شاسوار عەبدولواحید و موقتەدا سەدر و مەسعود بارزانی
وێستگه نیوزـ
رابه‌ری ره‌وتی سه‌در دوو داواكاریی جیاوازی له سه‌رۆكی پارتی دیموكراتی كوردستان و سه‌رۆكی جوڵانه‌وه‌ی نه‌وه‌ی نوێ كرد وتی با بارزانی هاوسۆزی ئه‌مریكا نه‌بێت و شاسوار عه‌بدولواحیدیش له پشتیوانی و ئه‌نجامدانی خۆپیشاندان به‌رده‌وام بێت.
لە بەرنامەیەکی تەلەفزیۆنیدا كه ئه‌مڕۆ دووشه‌ممه 24ی شوباتی 2020، په‌خش كرا، موقته‌دا سه‌در، رابه‌ری ره‌وتی سه‌در داوای لە مەسعود بارزانی کرد هاوسۆزی و لایەنگیری بۆ ئەمریکییەکان نیشاننەدات چونکە ئەمریکییەکان بە وتەی ئەو " داگیرکەرن و سودیان نییە".
سەدر داواشی لە بارزانی و لایەنەکانی کورد و سوننە کرد " واز لە دابەشکاریی حزبی بهێنن و هەموومان هەوڵبدەن حکومەتی باش بۆ عێراق دروستبکرێت".
له به‌شێكی دیكه‌ی به‌رنامه ته‌له‌فزیۆنییه‌كه‌دا، رابه‌ری ره‌وتی سه‌در داوایه‌كی ئاراسته‌ی شاسوار عەبدولواحید، سه‌رۆكی جوڵانه‌وه‌ی نه‌وه‌ی نوێ كرد و وتی: "با شاسوار عه‌بدولواحید بەردەوام بێت لە پشتگیری و ئەنجامدانی خۆپیشاندانەکان چونکە بەرپرسانی کوردیش گەندەڵن و هاوشێوەی بەغدا و باشوری عێراق، گەندەڵیش لە هەرێمی کوردستان هەیە".
PM:11:14:24/02/2020
ئه‌م بابه‌ته 16904
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت