عامری: با كورد و سونە هاوكار بن بۆ دەرباز بوون لەم دۆخە مەترسیدارە
وێستگە نیوز-
هادی عامری سەرۆكی هاوپەیمانی فەتح لە پەرلەمانی عیراق رایگەیاند سەرجەم كوتلەكان پشتیوانیان لە پێكهێنانی كابینەی عەلاوی كردووە و هۆشداریش بە كورد و سوننە دەدات.
لە وتەیەكدا كە ئەمڕۆ پێشكەشی كرد، هادی عامری وتی: ئەوە هەر فەتح و سەدرییەكان نەبوون كە محەمەد تۆفیق عەلاویان كاندید كرد بۆ سەرۆكوەزیران، بەڵكو هەموو پێكهاتەكان بە كورد و سوننەوە پشتیوانیان لێ کردووە.
بە وتەی عامری "سەرجەم كوتلەكانی پەرلەمان عەلاویان سەرپشك كرد بۆ دروستكردنی حكومەت و هەڵبژاردنی وەزیرەكانی لە دەرەوەی پشك پشكێنە".
سەرۆكی هاوپەیمانی فەتح دەشڵێت "هەموو كوتلە سیاسییەكان جدین بۆ هەڵبژاردنی حكومەتێكی نوێ كە توانانی لە گێڕانەوەی قورسایی دەوڵەتی عیراق هەبێت، هەورەها دابینكردنی ئەمن و رێكارەكان بۆ هەڵبژاردنی پێشوەخت، لەبەر ئەوە هۆكارێكە بۆ گێڕانەوەی متمانە بە پڕۆسەی سیاسی لە عیراق".
هادی عامری هۆشداریی لە مەترسی دۆخەكەدا و داوای لە پێكهاتەكانی كورد و سوننە كرد "هاوكاتربن بۆ پەڕینەوە لەم هەڵدێرە مەترسیدارە".
د.ح
PM:05:43:22/02/2020
ئه‌م بابه‌ته 16680
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت