وەفدێکی دانوستانکاری کوردستانی لە بەغدان
وێستگە نیوز-
ئەمڕۆ سێشەممە ١٨ ی ٢ ی ٢٠٢٠ شاندێکی باڵای کورد بە سەردانێک گەیشتە بەغدا و وێستگە نیوز زانیاری نوێ لەبارەی ئەو شاندەوە بڵاودەکاتەوە.
وەفدی پارتی و یەکێتی و کۆمەڵی ئیسلامی لە شاری بەغدان بۆ تاوتوێکردنی پرسی پشکی کورد و شایستە داراییەکانی کورد لە حکومەتی نوێی عیراقدا.
سەرۆکی وەفدی پارتی هۆشیار زێبارییە و سەرۆکی وەفدی یەکێتیش لاهور شێخ جەنگیە.
بەگوێرەی زانیارییەکانی وێستگە وەفدەکە لەگەڵ هەریەک لە محەمەد تۆفیق عەلاوی، سەرۆک وەزیرانی ڕاسپێردراوی عیراق و بەرپرسانی باڵای حزبە سیاسیەکانی عیراق بۆ قسەکردن لەسەر پشکی کورد و شایستە داراییەکانی کورد کۆدەبنەوە.
وێستگە زانیویەتی، وەفدەکە پێش کۆبوونەوەیان لەگەڵ لایەنەکان، شێوازی بەشداریکردنی کورد لە حکومەتی عیراقدا و شێوازی گفتوگۆکان لەگەڵ لایەنە عیراقیەکان لە کۆبوونەوەیەکی سێ قۆڵیدا تاوتوێ دەکەن.
PM:08:39:18/02/2020
ئهم بابهته 6220
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت