رۆیتەرز: کۆتایی ئەم مانگە رێککەوتنی ئاشتی نێوان تاڵیبان و ئەمریکا واژۆ دەکرێت
وەفدی دانوستانکاری تاڵیبان
وێستگە نیوز-
بزوتنەوەی تاڵیبانی ئەفغانستان کۆتاییهاتنی گفتوگۆکانی لەگەڵ واشنتن ڕاگەیاند و چاوەڕێش دەکرێت لە کۆتایی ئەم مانگەدا ڕێککەوتنی ئاشتی لەنێوان هەردوولادا واژۆ بکرێت.
مەولەوی عەبدولسەلام حەنەفی، ئەندامی شاندی دانوستانکاری تاڵیبان لە لێدوانێکی رۆژنامەوانیدا ئەمڕۆ سێشەممە ڕایگەیاند، " رێککەوتنی ئاشتی نێوان تاڵیبان و ئەمریکا لە کۆتایی ئەم مانگەدا لە دەوحەی پایتەختی قەتەڕ واژۆ دەکرێت، رێککەوتنەکەش بە ئامادەبوونی نوێنەری UN و رێکخراوی هاریکاری ئیسلامی و یەکێتی ئەوروپا و وڵاتانی دراوسێی ئەفغانستان دەبێت".
ئاشکراشیکرد، "دوای ڕێککەوتنەکە ویلایەتە یەکگرتووەکانی ئەمریکا و حکومەتی ئەفغانستان پێنج هەزار ئەندامی تاڵیبان ئازاد دەکەن و هاوکات تاڵیبانیش هەزار کەس ئازاد دەکات کە لە پێشتردا دەستگیری کردوون".
ڕونیشیکردەوە، " گفتوگۆو دانوسانی نێوان لایەنەکانی ئەفغانستان دوای تەواوکردنی پرۆسەی ئازادکردنی گیراوەکان دەستپێدەکات".
ئەم سەرکردەیەی تاڵیبان تیشکی نەخستە سەر وردەکاری ئەو خشتە کاتیەی هەردوولا بۆ کشانەوەی هێزەکانی ئەمریکا لە ئەفغانستان لەسەری ڕێککەوتوون".
ش . ر
PM:05:59:18/02/2020
ئه‌م بابه‌ته 1948
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت