سبهینێ ترهمپ رێككهوتنی سهده رادهگهیهنێت و ئێرانیش لهسهر رێككهوتنه هاته دهنگ
ناتانیاهۆ و ترەمپ
وێستگه نیوزـ
بڕیاره سبهینێ سێشهممه، دۆناڵد ترەمپ، سهرۆكی ئهمریكا رێككهوتن سهدهی تایبهت به چارهسهركردنی كێشهی نێوان فهلهستین و ئیسرائیل رابگهیهنێت، ئێرانیش یهكهم كاردانهوهی نواند و رێككهوتنهكهی به ساخته وهسفكرد.
لهكاتی پێشوازیكردنی لە بنیامین ناتانیاهۆ، سەرۆك وەزیرانی ئیسرائیل لە كۆشكی سپی، دۆناڵد ترهمپ، سهرۆكی ئهمریكا بە رۆژنامەنوسانی راگەیاند: چەندین وڵاتی عەرەبی رەزامەندییان لەسەر رێككهوتنی سهدهی تایبهت به چارهسهركردنی كێشهی نێوان فهلهستین و ئیسرائیل داوە و بە رێككەوتنێكی مەزن وەسفیان كردووە.
وتیشی: "سەرۆك وەزیرانی ئیسرائیل و چەند لایەنێكی دیكەش پشتیوانی پلانی ئاشتی دەكەن" و جەختیشیكردەوە كە لە كۆۆتاییشدا فەڵەستینییەكانیش پشتیوانی دەكەن و سبەینێش فەڵەستینییەكان لە پلانەكە ئاگادار دەكرێنەوە.
هاوكات بنیامین ناتانیاهو سەرۆك وەزیرانی ئیسرائیل رایگەیاند ترەمپ گەورەترین دۆستی ئیسرائیلە و لە سازشیش لە رێككەوتنی سەدە ناكەن، وتیشی: "رێككەوتنی سەدە بەلای ئیسرائیلەوە هەلی سەدەیە".
له بهرامبهریشدا حكومهتی ئێران یەكەم كاردانەوەی دژ بە رێككەوتنهكه راگەیاند و محەمەد جەواد زەریف، وەزیری دەرەوەی ئێران رێككەوتنی سەدەی بە رێككەوتنێكی ساختە وەسفكرد.
زهریف وتی: لە بری ئەو رێككەوتنە ساختەیە باشتر بوو ئەو چارەسەرە دیموكراسییە قبوڵ بكرایە كە عەلی خامنەئی پێشكەشی كردبوو كه پێشنیازی كردبوو موسڵمان و جولەكە و كریستیانەكانی فەڵەستین لە رێی راپرسییەكەوە چارەنوس و ئایندەی خۆیان دیاری بكەن.
PM:10:23:27/01/2020
ئهم بابهته 6816
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت