وێستگە نیوز-
باڵیۆزانی ١٦ وڵات ڕاگەیەندراوێکیان سەبارەت بە دۆخی عیراق بڵاوکردەوە و بەکارهێنانی توندوتیژی بەرامبەر خۆپیشاندەران ئیدانە دەکەن.
ئەمڕۆ دووشەممە باڵیۆزانی ١٦ وڵاتی ئەوروپی و ئەمریکی ڕاگەیەندراوێکیان سەبارەت بە خۆپیشاندانەکانی عیراق بڵاوکردەوەو ڕایانگەیاندس، سەرکۆنەی بەکارهێنانی توندوتیژی بەرامبەر خۆپیشاندەرانی عیراق دەکەن.
لە ڕاگەیەندراوەکەدا ئەوەش هاتووە، " پێویستە حکومەتی عیراق ڕێز لە ئازادی ڕادەربڕین و کۆبوونەوەی خەڵک و خۆپیشاندانی ئاشتیانە بگرێت".
هەروەها ئاماژە بەوە کراوە، " حکومەتی عیراق و گروپە چەکدارەکان بەردەوامن لە تەقەکردن و ئەوەش کوشتن و برینداربوونی خۆپیشاندەرانی لێدەکەوێتەوە".
لە کۆتاییشدا ڕایانگەیاندووە، پێویستە حکومەتی عیراق لێکۆڵینەوە لە کوشتنی زیاتر لە ٥٠٠ کەس و برینداربوونی هەزارن کەسی دیکە لە خۆپیشاندانەکاندا بکات.
ئەو ١٦ وڵاتەی ئەو ڕاگەیەندراوە هاوبەشەیان بڵاوکردووەتەوە پێکدێن لە هەریەک لە کەنەدا، کرواتیا، چیک، ئەمریکا، بەریتانیا، فنلەندا، فەڕەنسا، ئەڵمانیا، هەنگاریا، ئیتاڵیا ، نێدەرلاند، نەرویج، پۆڵەندا، ڕۆمانیا، ئیسپانیا، سوید.
ش . ر
PM:07:57:27/01/2020