لە حاجی ئۆمەران سێ رۆژ پشوو ڕاگەیەندرا
وێستگە نیوز-
بەڕێوەبەرایەتی پەروەردەی چۆمان رایگەیاند، بەهۆی نزمبونەوەی پلەکانی گەرما لە سنوری حاجی ئۆمەران، بڕیاردراوە لە ناوەندەکانی خوێندن بۆ ماوەی سێ رۆژ بکرێتە پشوی فەرمی.
لە راگەیەندراوێکی بەڕێوەبەرایەتی پەروەردەی چۆمان-دا هاتووە، "بەهۆی بەفر بارینی زۆر و سەرماوسۆڵەیەکی توند بەڕێوەبەرایەتی پەروەردەی چۆمان بڕیاریدا کە سێ ڕۆژ بۆ قوتابخانە بنەڕەتی و ئامادەییەکانی حاجی ئۆمەران بکاتە پشو.
ئاماژە بەوەش کراوە، لە رۆژی شەممە 25ی مانگەوە تاکو سێشەممە 28ی ئەم مانگە دەوامی خوێندن لە قوتابخانە بنەڕەتی و ئامادەییەکانی حاجی ئۆمەران رادەگیرێت.
ئەوەش لەکاتێکدایە شەوی ڕابردوو وەزارەتی پەروەردە ڕایگەیاند، بەهۆی ئەو شەپۆلە بەفر و سەرمایەی رووی لە ناوچەکانی هەرێم کردووە بەڕێوەبەرایەتیە گشتیەکانی پەروەردەی پارێزگاکان دەسەڵاتی ئەوەیان هەیە یەک رۆژ بکەنە پشوو لە سنوری ئەو پارێزگایەی ئاستەنگی هاتووچۆ بەهۆی شەپۆلی بەفرو سەرماوە تێیدا دروست بووە.
ش . ر
AM:09:55:25/01/2020
ئه‌م بابه‌ته 5048
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت