لهماوهی دوو رۆژی رابردووی خۆپیشاندانهكانی عیراقدا 140 كهس كوژراون و برینداربوون
وێستگه نیوزـ
كۆمسیۆنی باڵای مافەكانی مرۆڤ له عیراق ئاماری دوو رۆژی رابردووی خۆپیشاندانهكانی عیراقی بڵاوكردهوه و رایگهیاند كه لهماوهی ئهو دوو رۆژهدا 10 خۆپیشاندهر كوژراون و دهیانی دیكهش برینداربوون.
كۆمسیۆنی باڵای مافەكانی مرۆڤ له عیراق ئهمڕۆ سێشهممه له بهیاننامهیهكدا بڵاویكردهوه، لهماوهی دوو رۆژی رابردووی خۆپیشاندانهكانی عیراق، 10 كەس لە بەغدا و پارێزگاكانی دیكە كوژراون و 130ی دیكەش بریندار بوون، دهشلێت كه زۆربەی قوربانییەكان لە بەغدا تۆماركراوە كە چوار كوژراو و 85 بریندار بوون، ئەمە جگە لە دەستبەسەركردنی 36 كەسی دیكە.
له بهیاننامهكهدا هاتووه كه لە پارێزگای بەسڕە سێ خۆپیشاندەر كوژران و یەكێكی دیكەش بریندار بوو، هاوكات دوو خۆپیشاندەریش لە كەربەلا كوژران و 18ی دیكەش بریندار كران و قوربانییەكانی دیكەش لە پارێزگاكانی دیالە و زیقار بوون.
لە سهرهتای خۆپیشندانهكانی عیراقهوه كه له مانگی تشرینی یەكەمی 2019هوه دهستیپێكرد، تائێستا، زیاتر لە 600 خۆپیشاندەر بە دەستی هێزە ئەمنییەكاین عیراق كوژراون و زیاتر له 20 ههزاری دیكەش بریندار بوون.
PM:08:32:21/01/2020
ئهم بابهته 2064
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت