بەغدا پارەی مووچەی مانگی 12 ی بۆ فەرمانبەرانی هەرێم نارد
وێستگە نیوز-
حکومەتی فیدراڵی عێراق مووچەی مانگی کانوونی یەکەمی 2019ـی فەرمانبەرانی هەرێمی کوردستانی نارد و بەڕێوەبەری لقی هەولێری بانکی ناوەندیی عێراق دەڵێت، لە رۆژی پێنجشەممەوە پارەکە خراوەتە سەر ژمارە بانکیی وەزارەتی دارایی.
عابد ساڵح، بەڕێوەبەری لقی هەولێری بانکی ناوەندیی عێراق رایگەیاند، "رۆژی چوارشەممە 11-12-2019 حکومەتی فیدراڵی عێراق مووچەی فەرمانبەرانی هەرێمی کوردستانی ناردووە، ئێمەش رۆژی پێنجشەممە پارەکەمان خستووەتە سەر ژمارە بانکیی وەزارەتی دارایی هەرێمی کوردستان".
بەڕێوەبەری لقی هەولێری بانکی ناوەندی عێراق باسی لەوەکرد، لە رۆژی پێنجشەممەوە وەزارەتی دارایی دەیانتوانی پارەکە وەربگرن و بەپێی رێوشوێنەکانی خۆیان دابەشیبکەن.
بەپێی رێککەوتنی نێوان هەولێر و بەغدا، حکومەتی فیدراڵی عێراق مانگانە بڕی 454 ملیار دینار بۆ مووچەی فەرمانبەرانی هەرێمی کوردستان دەنێرێت.
سەرچاوە: رووداو
PM:08:52:13/12/2019
ئهم بابهته 13948
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت