کەرکوک.. بەهۆی هێرشێکی داعش دوو پۆلیسی عیراقی کوژران
وێستگە نیوز-
سەرچاوەیەکی ئەمنی ئاشکرایکرد، لە ئاکامی هێرشێکی داعش-دا بۆ سەر خاڵێکی پشکنینی هێزەکانی پۆلیسی عیراق لە کەرکوک دوو پۆلیس کوژراون و پۆلیسێکیش بریندار بووە.
سەرچاوەکە بە سۆمەریە نیوز-ی راگەیاندووە، ئێوارەی ئەمڕۆ پێنجشەممە 21 ی 11 ی 2019 چەند چەکدارێکی داعش هێرشیان کردووەتە سەر خاڵێکی هێزەکانی پۆلیسی عیراق و لە ئاکامدا دوو پۆلیس کوژراون و پۆلیسێکی دیکەش بریندار بووە.
سەرچاوەکە ئاماژەی بەوەش داوە، "دوای رووداوەکە هێزە ئەمنیەکان گەمارۆی شوێنەکەین داوەو تەرمەکانیش رەوانەی پزیشکی داد کراون و بریندارەکەش بۆ نزیکترین نەخۆشخانە نێردراوە".
ش . ر
PM:11:56:21/11/2019
ئهم بابهته 5976
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت