عەبدولمەهدی‌ سه‌رجه‌م وه‌زیره‌كانی‌ كابینه‌كه‌ی‌ ده‌گۆڕێت


وێستگه‌ نیوزـ

چاوه‌ڕوان ده‌كرێت عادل عه‌بدولمه‌هدی، سەرۆک وەزیرانی‌ عیراق سەرجەم وەزیرەکانی‌ کابینەکەی‌ ئێستای بگۆڕێت و تائێستاش چارەنوسی‌ وەزیرە کوردەکان نادیارە.

سه‌رچاوه‌یه‌كی‌ ئاگادار له ‌به‌غدادەوه‌ رایگه‌یاند: "پلانه‌كه‌ی‌ عادل عه‌بدولمه‌هدی‌ بۆ گۆڕانكارییه‌ و‌زارییه‌كان ئه‌وه‌یه،‌ سه‌رجه‌م وه‌زیره‌كانی‌ كابینه‌كه‌ی‌ بگۆڕێت و وه‌زیری‌ نوێی‌ بێلایه‌ن و ناحزبی‌ ده‌خاته‌ شوینه‌كانیان."

وتیشی: ئه‌و پلانه‌ی كه‌ عه‌بدولمه‌هدی‌ ده‌یه‌وێت جێبه‌جێی بكات، زۆر سه‌خته‌ و روبه‌ڕوی‌ ئاسته‌نگی‌ گه‌وره‌ ده‌بێته‌وه، هۆکاری‌ گەڕاندەوە بۆ ئەوەی‌ تا ئێستا دیار نییه‌ كێ به‌ جدی‌ پشتیوانی‌ ئه‌و كاره‌ی‌ ده‌كات و پێناچێت فراكسیۆنه‌ سه‌ره‌كییه‌كانی‌ ناو پەرله‌مان پشتیوانی‌ ئه‌و كاره‌ی‌ بكه‌ن”.

له‌باره‌ی‌ چاره‌نوسی‌ پشكی‌ كورد و وه‌زیره‌ كورده‌كانه‌وه‌، ئەو سەرچاوەیە ئاشكرایكرد، هێشتا ئه‌و هه‌نگاوانه‌ ڕون نین و كوردیش نازانێت له‌و كاره‌دا چاره‌نوسی‌ به‌كوێ ده‌گات، تەنها ئەوە ڕونبوەتەوە کە سەرۆکوەزیران سوره‌ له‌سه‌ر ئه‌و گۆڕانكاریانه‌ و ده‌ڵێت ” وه‌زیره‌كان ده‌گۆڕم”.

به‌گوێره‌ی‌ زانیارییه‌كان عه‌بدولمه‌هه‌دی‌ له ‌ئه‌گه‌ری‌ سه‌ركه‌وتنیدا بۆ گۆڕینی‌ سه‌رجه‌م وه‌زیره‌كانی‌ كابینه‌كه‌ی‌، ده‌یه‌وێت وه‌زیری‌ گه‌نج و خاوه‌ن بڕوانامه‌ی‌ باڵا بكاته‌ وه‌زیر و سێ ژنیشی‌ تێدا بێت، ئه‌و كاره‌ش به ‌سێ قۆناغ ئه‌نجام ده‌دات و سه‌ره‌تای‌ مانگی‌ داهاتوش ناوی‌ وه‌زیره نوێیەکان بۆ په‌رله‌مان ده‌نێرێت.


PM:11:43:13/11/2019


ئه‌م بابه‌ته 2240 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو