كەمپینێك بۆ كۆكردنەوەی كەلوپەل و پێداویستی پزیشكی بۆ رۆژئاوای کوردستان راگەیەندرا
وێستگە نیوز-
ماوەی دوو ڕۆژە كەمپینێكی كۆكردنەوەی كەلوپەلی پزیشكی و پێداویستی بۆ بریندارانی ڕۆژئاوای كوردستان لە بارەگای لقی سلێمانی سەندیكای كارمەندانی تەندرووستی كوردستان بەڕێوە دەچێت و تا ئێستا بڕێكی بەرچاو كەلوپەل كۆكراوەتەوە.
هاوژین عوسمان، لێپرسراوی لقی سلێمانی سەندیكای كارمەندانی تەندرووستی كوردستان، بە وێستگە نیوز-ی راگەیاند، لەماوەی دوو ڕۆژی بەڕێوەچوونی هەڵمەتەكەدا نزیكەی 300 جانتای پڕ پێداویستی پزیشكی و دەرمان و سەپڵای كۆكراوەتەوە و بڕیارە بگەیەنرێتە ڕۆژئاوای كوردستان كە خزمەتێكی باشی برینداران دەكات لە ڕووی پزیشكیەوە.
وتیشی، "|ئەم كارە لەڕوانگەی ئەركی مرۆڤایەتی و پیشەیی و نەتەوەییمانەوەیە و سەرجەم كەلوپەلەكان لەلایەن پزیشكان و كارمەندانی تەندرووستیەوە بەخشراوە و كۆكراوەتەوە" .
شایانی باسە ساڵانی ڕابردووش لەكاتی پێویستدا بۆ شەنگال و عفرین و كۆبانێ بەهەمان شێوە كەمپین سازكراوە و بەدرێژایی شەڕی داعش و كاتی بوونی ئاوارەدا سەندیكای كارمەندانی تەندرووستی لەڕێی تیمەكانیەوە خزمەتگوزاری پێشكەش كردوە.
ئەرشەد تەحسین
AM:11:17:19/10/2019
ئهم بابهته 3776
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت