وتەبێژی هەسەدە: هێرشی توركیا لەسەرێ كانی نەوەستاوە
وێستگە نیوز-
وتەبێژی هەسەدە ڕایدەگەیەنێت، هێرشەكانی سوپای توركیا وهاوەپەیمانەكانی هێشتا لەسەرێ كانی نەوەستاوە و بەو هۆیەشەوە ژمارەیەك شەڕەڤان و هاوڵاتی بونەتە قوربانی.
ئاژانسەكانی هەواڵ بڵاویان كردەوە، (كینۆ گابریێل) وتەبێژی هەسەدە جەختی لەوە كردۆتەوە تاوەكو ئێستا هێزەكانی توركیا و هاوپەیمانەكانی هێرش دەكەنە سەر دەورووبەری سەرێ كانی و ئاماژە بەوەش دەكات، هەموو هێزەكانی ئەوان پابەندی ئاگربەستن.
ناوبراو ئەوەشی خستۆتەڕوو، بەهۆی هێرشەكانی توركیاوە 13 شەڕەڤان و 5 هاوڵاتی مەدەنی كوژراون.
كینۆ گابریێل، وتەبێژی هێزەكانی سووریای دیموكرات داوا دەكات لایەنە بەشدارەكانی رێككەوتنەكە بەگوێرەی بڕیاری ئاگربەست بجووڵێنەوە و ئەوەش روندەكاتەوە، هێزەكانیان مافی وەڵامدانەوەی هێرشەكانی توركیایان هەیە.
PM:11:33:18/10/2019
ئه‌م بابه‌ته 2008
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت