په‌رله‌مانی كوردستان بۆ تاووتوێكردنی په‌یڕه‌وی ناوخۆ كۆده‌بێته‌وه‌

‌په‌رله‌مانی كوردستان

وێستگه‌ نیوز ـ هەستیار
په‌رله‌مانی كوردستان رۆژی چوارشه‌ممه‌ 25ی ئه‌یلولی 2019، كۆبوونه‌وه‌ی ئاسایی خۆی ده‌ستپێده‌كاته‌وه‌ و ئه‌ندامێكی لیژنه‌ی یاساییش به‌رنامه‌ی كاره‌كه‌ ئاشكرا ده‌كات و رایده‌گه‌یه‌نێت، بۆ تاووتوێكردنی په‌یڕه‌وی ناوخۆیه‌.

روپاك ئه‌حمه‌د، ئه‌ندامی لیژنه‌ی یاسایی له‌ په‌رله‌مانی كوردستان ئه‌مڕۆ دووشه‌ممه‌ به‌ وێستگه‌ نیوزی راگه‌یاند: رۆژی چوارشه‌ممه‌ په‌رله‌مانی كوردستان ده‌ست به‌ كۆبوونه‌وه‌كانی خۆی ده‌كاته‌وه‌.

وتیشی: "ئه‌گه‌رچی هێشتا به‌رنامه‌ی كار دیاری نه‌كراوه‌، به‌ڵام وه‌ك لیژنه‌كه‌مان ئاگادارین كۆبوونه‌وه‌كه‌ بۆ تاووتوێكردنی پڕۆژه‌ی په‌یڕه‌وی ناوخۆی په‌رله‌مانه‌".

له‌ باره‌ی یاسای چاكسازییه‌وه‌ ئه‌ندامه‌كه‌ی لیژنه‌ی یاسایی په‌رله‌مانی كوردستان وتی: "هێشتا پڕۆژەکە لەلایەن حکومەتی هەرێمی کوردستانەوە نەهاتووەتە پەرلەمان و هەرکات گەیشت سەرۆکایەتی پەرلەمان دەیخاتە بەرنامەی کارەوە".


AM:11:42:23/09/2019


ئه‌م بابه‌ته 1752 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو