ئەمریکا سزای بەسەر بانکی ناوەندی ئێراندا سەپاند



وێستگە نیوز-

ویلایەتە یەکگرتووەکانی ئەمریکا سزای بەسەر بانکی ناوەندی کۆماری ئیسلامی ئێراندا سەپاند .

دۆناڵد ترەمپ سەرۆکی ویلایەتە یەکگرتووەکانی ئەمریکا ئەمڕۆ هەینی رایگەیاند، سزای بەسەر بانکی ناوەندی ئێراندا سەپاندووە.

رۆژی چوارشەممە ترەمپ رایگەیاندبوو سزا نوێیەکانی سەر ئێران بەم زووانە ئاشکرا دەکەن و وتیشی " سزاکان زۆر کاریگەرن".

وتیشی، " تێڕوانینم بەرامبەر ئێران نەگۆڕاوە". 

هاوکات دۆناڵد ترەمپ داواشی لە وەزیری خەزێنەی وڵاتەکەی کرد سزا سەپێنراوەکانی سەر ئێران قورستر بکات.

روونیشیکردەوە  بابەتەکە دەستپێکردنی جەنگ نیە لەگەڵ ئێران و وتی، " بژاردەی دیکەمان لەبەردەستدایە".

لای خۆشیەوە ستیڤن منوشین، وەزیری خەزێنەی ئەمریکا رایگەیاند، سزا نوێیەکانی وڵاتەکەی بەسەر ئێراندا "زۆر گەورە" دەبن.


PM:05:38:20/09/2019


ئه‌م بابه‌ته 4004 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت