ترەمپ کوژرانی کورەکەی ئوسامە بن لادنی پشتراستکردەوە


وێستگە نیوز- 

دۆناڵد ترەمپ، کوژرانی کوڕەکەی ئوسامە بن لادن-ی پشتڕاست کردەوە. 

بەپێی هەواڵێکی ئاژانسی رۆیتەرز، ئەمڕۆ دۆناڵد ترەمپ ئاشکرایکردووە حەمزە بن لادن کوڕی ئوسامە بن لادن لە ئۆپەراسیۆنێکی رووبەڕووبوونەوەی تیرۆر لە سنوری ئەفغانستان-پاکستان کوژراوە. 

راپۆرتە رۆژنامەوانیەکان مانگی تەمووزی ئەمساڵ لە زاری چەند سەرچاوەیەکی موخابەراتی ئەمریکیەوە کوژرانی کوڕەکەی بن لادن-یان بڵاوکردەوە. 

حەمزە بن لادن تەمەنی 30 ساڵە، بەردەوام نامەی دەنگی و ڤیدیۆی بڵاودەکردەوەو تێیدا داوای دەکرد هێرش بکرێتە سەر ویلایەتە یەکگرتووەکانی ئەمریکا و وڵاتانی دیکە. 

مانگی شوباتی ئەمساڵیش ئەمریکا پاداشتێکی یەک ملیۆن دۆلاری تەرخانکرد بۆ هەر کەسێک زانیاری لەبارەی کوڕەکەی بن لادن-ەوە ئاشکرا بکات.



PM:04:18:14/09/2019


ئه‌م بابه‌ته 3480 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت