نوێنهری فیدراسیۆنی پهنابهران: له دوو رۆژی رابردودا دهیان پهنابهر له توركیا دهستگیركراون
وێنە-گێتی
وێستگه نیوزـ
نوێنەری فیدراسیۆنی سەراسەری پەنابەرانی عیراق لە تورکیا ئاشكرایكرد لهماوهی دوو رۆژی رابردودا دهیان پهنابهر له توركیا دهستگیركراون.
ڕۆژ عەزیز، نوێنەری فیدراسیۆنی سەراسەری پەنابەرانی عیراق لە تورکیا رایگهیاند: رۆژی چوارشهممه 21ی ئابی 2019، لە ناوچەی سەفەرحیسار-ی سەربە شاری ئیزمیر، 59 پەنابەر دەستگیرکراون کە 25 پیاو و 12 ژن و 22 منداڵ بوون.
وتیشی، ههر له رۆژی چوارشهممه لە شاری بودروم و لە چەند شوێنی جیادا 60 پەنابەر دەستگیكراون، لەناوچەی ئینەزی سەربەشاری ئەدرنەش 49 پەنابەری دیکە دەستگیر کران، راشیگهیاندوه: ههر له ههمان رۆژدا بەرێوەبەرایەتی کۆچ و کۆچبەرانی شاری ئەدرنە رایگەیاند 335 پەنابەر رەوانەی بەرێوەبەرایەتیەکەیان کراووه کە لە نزیک شاری ئەدرنە و شارەکانی سەرسنور دەستگیر کراون .
سهبارهت به ئامارهكانی ئهمڕۆ پێنجشهممه، رۆژ عهزیز رایگهیاندوه دووبارە لە ناوچەی سەفەرحیسار، 22 پەنابەر و دوو کەسیش بەتۆمەتی قاچاخچێتی دەستگیرکراون.
وتیشی: ههر ئهمڕۆ لە ناوچەی کوشاداسێ و کۆرفەزی سەربە شاری ئایدین 109 پەنابەر دەستگیرکران کە زۆربەیان ژن و منداڵن، لەناوچەی ئینەزی سەربە شاری ئەدرنەش 68 پەنابەر دەستگیر کران.
نوێنەری فیدراسیۆنی سەراسەری پەنابەرانی عیراق لە تورکیا ئاشكراشیكرد: پهنابهره دهستگیركراوهكان خەڵکی سوریا و عیراق و پاکستان و ئەفغانستان میسر و فەلەستین و ئەفریقا و چەندین وڵاتی دیکە بوون.
PM:09:43:22/08/2019
ئهم بابهته 2052
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت