راگهیهندراوێك له حكومهتی ههرێمی كوردستانهوه
وێستگه نیوز -
وتهبێژی حكومهتی ههرێمی كوردستان داوا له "حكومهتی توركیا و چهكدارانی پهكهكه" دهكات نهبنه هۆی زیانگهیاندن به هاووڵاتیانی ههرێمی كوردستان.
وتهبێژی حكومهتی ههرێمی كوردستان له راگهیهندراوێكدا كه وێنهیهكی دهست وێستگه نیوز كهوتووه رایگهیاند كه "داوا له حكومهتی توركیا و چهكدارانی پهكهكه دهكهین نهبنه هۆی زیانگهیاندن به هاووڵاتیانی ههرێمی كوردستان".
وتهبێژی حكومهتی ههرێمی كوردستان دهڵێت: "بهداخهوه ئهمڕۆ له ئهنجامی بۆردومانی فڕۆكهكانی توركیا له بناری قهندیل چهند هاووڵاتییهك برینداربوون و زیانی ماددیشی لێكهوتهوه".
دهشڵێت: "حكومهتی ههرێمی كوردستان له كاتێكدا هاوخهمی لهگهڵ زیانلێكهوتووانی ئهو ناوچهیه دهردهبڕێت و نیگهرانه لهو بۆردومانه، داواش دهكات سهلامهتی هاووڵاتیانی ههرێمی كوردستان بپارێزێرێت و نابێت هاووڵاتیانی ههرێم ببنه ئامانجی بۆردومان".
وتهبێژی حكومهتی ههرێم راشیگهیاندووه كه "لهههمانكاتدا داواش له چهكدارانی پهكهكه دهكهین رهچاوی دۆخی ھاووڵاتیانمان و تایبهتمهندیی ھهرێمی كوردستان بكهن و چیتر نهبنه هۆكاری زیانگهیاندن به ھاووڵاتیانی ههرێمی كوردستان".
PM:08:07:19/08/2019
ئهم بابهته 3000
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت