حه‌مكۆ بۆ جاری سێیه‌م هاوسه‌گیری پێكهێنایه‌وه‌

‌هونەرمەند حەمکۆ

وێستگه‌ نیوز ـ
هونەرمەندی بواری کۆمیدیا حەمکۆ بۆ جاری سێیەم ژیانی هاوسەرگیری پێکهێنا و دەڵێت، هاتریکی هاوسەرگیریم تۆمار کرد.

هونەرمەند حەمکۆ به‌ رووداوی راگه‌یاندووه‌: "ژیانی هاوسەرگیرم پێکهێناوە، بەڵام ناتوانم هیچ زانیارییەکی دیکە لەسەر هاوسەره‌ تازەکەم بدەم، چونکە ماڵی خەزوورم پێیان خۆش نییە و رێگەیان پێنەداوم لە راگەیاندنەکان باسی بکەم".

حەمکۆ لە پەیجی خۆی لە تۆڕی کۆمەڵایەتی فەیسبووک وێنەی خۆی و هاوژینە تازەکەی بڵاوکردووەتەوە و دەڵێت: "هاتریکی هاوسەرگیریم تۆمارکرد و بۆ دواجار چوومە نێو قەفەسی زێڕین و نوخشە لە هەموو عاشقان بێت".

حەمکۆ پێشتر دووجاری دیکە هاوسەرگیریکردووە کە دوایینجار لەگەڵ خانمێکی بەڕازیلی بوو بەناوی رۆبێرتا رۆچە و منداڵێکیشیان بەناوی تۆماس هەبووە.

هــ. ر

PM:04:02:23/07/2019