پیاوێك ده‌ستگیر كرا كه‌ ئاڵتوونی ژنه‌كه‌ی دزی بوو

‌فۆتۆ: پۆلیسی سلێمانی

وێستگه‌ نیوز ـ
دوای‌ تۆماركردنی‌ سكاڵای یاسایی له‌لایه‌ن ژنێكه‌وه‌ لەبەرامبەر ئەوەی‌ بڕێك ئاڵتونی‌ لێدزرابو، به‌شی‌ پۆلیسی‌ ده‌ربه‌ندیخان لێكۆڵینه‌وه‌كانیان ده‌ستپێكردو لەلێکۆڵینەوەکاندا ده‌ركه‌وت کە هاوسه‌ری‌ ژنەکە دزیویه‌تی‌.


پۆلیسی سلێمانی له‌ راگه‌یه‌ندراوێكدا ده‌ڵێت: "رۆژی‌ 18ی ته‌مموزی 2019، پاش تۆمارکردنی‌ سکاڵاکە، مه‌فره‌زه‌كانی‌ به‌شی‌ پۆلیسی‌ ده‌ربه‌ندیخان بەسەرپەرشتی‌ ئەفسەری‌ ئێشکگر لێكۆڵینه‌وه‌یان ده‌ستپێكرد، دوای‌ ئەنجامدانی‌ پشكنین و هێڵكاریی‌ بۆ شوێنی‌ رووداوه‌كه‌، لەلێکۆڵینەوەکاندا ده‌ركه‌وت کە ئەو بڕە ئاڵتونە له‌لایه‌ن هاوسه‌ری‌ ژنەکەوە دزراوە".

راشیگه‌یاندووه‌: مه‌فره‌زه‌كانی‌ به‌شی‌ پۆلیسی‌ ده‌ربه‌ندیخان توانیان هه‌مان شه‌وی‌ ئەنجامدانی‌ تاوانەکە تۆمەتبارەکە ده‌ستگیر بکەن‌ و لەبەردەم دادوەردا دانی‌ به‌تاوانه‌كه‌یدا نا.

به‌پێی راگه‌یه‌ندراوه‌كه‌ی پۆلیسی سلێمانی، لەئێستادا تۆمەتبار به‌بڕیاری‌ دادوه‌رو به‌پێی‌ مادده‌ی‌ 444 له‌یاسای‌ سزادانی‌ عیراقی‌ به‌نده‌ و لەلایەن به‌شی‌ پۆلیسی‌ ده‌ربه‌ندیخانەوە په‌ڕاوی‌ لێكۆڵینه‌وه‌کە بۆ رووداوکە کراوەته‌وه‌.

هــ. ر


PM:01:35:21/07/2019


ئه‌م بابه‌ته 2408 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو