ئێران... ژمارەی ئەو کەسانەی کە لەکەشتیە دەستبەسەرکراوەکەی بەریتانیادا بون ئاشکرا بو

ویستگە نیوز-

فلیپین داوای ئازادکردنی ئەو کەشتیوانەی دەکات کە ئیران لەسەر کەشتیە بەرتیانییەکە دەستگیری کردوە.

ئەمڕۆ شەممە وڵاتی فلیپین داوای لەئێران کرد کە ئەو هاوڵاتییە فلیپینییە ئازاد بکات کە یەکێک بوو لەدەستەی سەرنشینەکانی ئەو کەشتییە نەوت هەڵگرە بەریتانییەی کە سوپای پاسدارانی ئێران دوێنێ هەینی دەستیان بەسەردا گرتووە.

بەرپرسانی ئێران رایانگەیاندوە "کەشتی نەوتهەڵگری ستینا ئیمبیرۆ کە خاوەندارێتییەکەی وڵاتی سویدە و لەلایەن سوپای بەریتانیا پارێزراوە و ئاڵای ئەوانی لەسەر بوە ڕۆژی هەینی پاش ئەوەی کە لەتەنگەی هورمز خۆی دەکێشێت بە یەختێکی ڕاوەماسیدا دەستیبەسەردا دەگیرێت".

 

ئەوەش دوای ئەوە دێت کە رۆژی هەینی کەشتیەکی بەریتانی بەریتانی لەوکاتەی کە بە گەروی هورمز تێپەڕبووە، کە یەک لەسەر سێی نەوتی جیهانی لێوە تێپەڕ دەبێت، دەستی بەسەردا گیرا لەلایەن هێزە دەریاییەکانی سوپای پاسدارانی ئیران بەبیانوی "پابەند نەبونی یاسا و ڕێساکانی هاتوچۆی دەریایی لە ئاوی نێودەوڵەتی"، لەبەرئەوە لەسەر فەرمانی دەسەڵاتدارێتی بەندەر و ناوچە دەریایـیەکانی ئێران لە پارێزگای هورمزگان، کەشتیـیەکە لە لایەن یەکەیەکی هێزی دەریایی ناوچەی یەکی ئێرانەوە دەستیبەسەرداگیرا و بەرەو کەنارەکانی ئێران براوە بە مەبەستی پشکنینی و گرتنەبەری ڕێوشوێنی یاسایی لە بەرامبەری.

ئەوەش کاردانەوەی توندی ئەمریکا و بەریتانیا و روسیا و وڵاتە هاوپەیمانەکانی بەرتیانیای لێکەوتەوە.

PM:06:21:20/07/2019

ئه‌م بابه‌ته 3108 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت