عادل عهبدولمههدی بهیاننامهیهكی لهسهر سهردانهكهی مهسرور بارزانی بڵاوكردهوه
عادل عەبدولمەهدی و مەسرور بارزانی
وێستگه نیوزـ
سهرۆك وهزیرانی عیراق رایگهاند كه حكومهتی فیدڕاڵ پێشوازی له كهشی هاوكاری و لێكگهیشتن لهگهڵ حكومهتی ههرێمی كوردستان دهكات.
نوسینگهی عادل عهبدولمههدی، سهرۆك وهزیرانی عیراق له بهیاننامهیهكدا رایگهیاند: ئهمڕۆ سێشهممه 16ی تهمموزی 2019، سهرۆك وهزیران له نوسینگهی فهرمیی خۆی چاوی به مهسرور بارزانی، سهرۆكی حكومهتی ههرێم و شاندی یاوهری كهوتوه.
راشیگهیاندوه كه عادل عهبدولمههدی پیرۆزبایی پێكهێنانی حكومهتی نوێی ههرێمی كوردستان و ههڵبژاردنی مهسرور بارزانیی به سهرۆكی حكومهت كردوه.
له بهشێكی بهیاننامهكهدا هاتووه: سهرۆك وهزیران جهختی كردوهتهوه كه حكومهتی فیدڕاڵ پێشوازی له كاری هاوبهش و لێكگهیشتن لهگهڵ حكومهتی ههرێم و حكومهته خۆجێییهكان دهكات بۆ ئهنجامدانی كاری هاوبهش و چارهسهركردنی سهرجهم كێشهكان لهژێر سهقفی دهستور و یهكڕیزیی گهل و وڵات و بهرژهوهندیی ههموان.
بهپێی بهیاننامهكه، له بهرامبهریشدا، مهسرور بارزانی پرۆشیی خۆی بۆ سهردانكردنی بهغدا وهك یهكهم وێستگهی دوای وهرگرتنی پۆستهكهی دهربڕیووه و جهختی لهوهش كردوهتهوه كه حكومهتی ههرێم ئامادهیه بۆ كار و هاوكاریی هاوبهش و پتهوكردنی پهیوهندییهكان لهگهڵ حكومهتی فیدڕاڵ لهپێناو چارسهركردنی سهرجهم پرسه ههڵواسراوهكان بهپێی دهستور.
ئهمڕۆ سێشهممه 16ی تهمموزی 2019،
شاندی باڵای حكومهتی ههرێمی كوردستان به سهرۆكایهتی مهسرور بارزانی، سهرۆك وهزیرانی ههرێم و قوباد تاڵهبانی، جێگری سهرۆك وهزیرانی ههرێم، گهیشتنه بهغدا و لهگهڵ سهرۆك كۆمار و سهرۆك وهزیران و سهرۆكی ئهنجومهنی نوێنهرانی عیراق كۆبوونهوه.
به گوێرهی زانیارییهكان ئامانج لهو سهردانه رێككهوتنی نێوان ههردوو حكومهتی ههرێم و عیراقه لهسهر كێشهكان و دانانی رێوشوێنی ورد و پێویست بۆ چارهسهریان.
گرنگترین ئهو كێشانهی له نێوان ههرێمی كوردستان و بهغدا ههن بریتین لهمانهی خوارهوه.
1. پرسی ههنارده و بهڕێوهبردنی كهرتی نهوت و گرێبهسته نهوتییهكان و دهركردنی یاسای نهوت و غاز.
2. پرسی بودجه و مووچهی فهرمانبهرانی ههرێمی كوردستان.
3. كێشهی كهركوك و ناوچه كوردستانییهكان و جێبهجێكردنی مادهی 140.
4. بودجه و چهك بۆ پێشمهرگه وهك بهشێك له سیستهمی بهرگری عێراق.
5. دروستكردنی ئهنجوومهنی فیدراڵی.
6. پشكی كورد له سوپا و دامهزراوهكانی عیراق، راگرتنی تهواوفق و تهوازن له دامودهزگاكانی دهوڵهت.
PM:07:11:16/07/2019
ئهم بابهته 6800
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت